Epapers :

21-Sep-2019 | ४ आश्विन २०७६, शनिबार

बसन्त चौधरीको ‘बिश्व काब्य यात्रा’

२७ भाद्र २०७६, शुक्रबार ०   बिचार / प्रतिक्रिया


न्यूयोर्क/अमेरिका
प्रतिष्ठित ब्यवसायी तथा साहित्यकार बसन्त चौधरीको ‘विश्व काब्य यात्रा’ अन्तरगत १९ औं श्रृंखला न्यूयोर्कमा सम्पन्न भएको छ । अन्तराष्ट्रिय नेपाली साहित्य समाज (अनेसास)न्यूयोर्क च्याप्टरको आयोजनामा गरिएको कार्यक्रममा गत बुधबार साँझ चौधरीले आफ्ना काब्यकृति बाचन गरेर सुनाएका थिए ।
कार्यक्रममा नेपाली, नेवारी, तामाङ, हिन्दी, अंग्रेजी, बंगाली, मैथिली, भोजपुरी, मारवाडी भाषामा लेखिएकोे कबिता संग्रह ‘बसन्त’ को लार्कापर्ण गरिएको थियो । चौधरीको कृतिको लोकार्पण न्यूयोर्क राज्यका सिनेटर जोन सि लिउ, अनेसासका अध्यक्ष राजेन्द्र श्रेष्ठ, अनेसासकी पूर्व अध्यक्ष गीता खत्री र चौधरीले गरेका थिए ।
चौधरीले बिश्व काब्य अन्तरगत बिभिन्न देश र मुलुक भित्रै पनि बिभिन्न ठाउँहरुमा आफ्ना काब्यकृति बाचन गर्दै आएका छन् । उनका शब्द रचनामा गाइएका गीतहरु निर्कै चर्चित बनेका छन् । राष्ट्रभक्ती र मायाको भाव बोकेका गीतका शब्दहरु युवा पुस्ताको ढुकढुकीमा बसेका छन् ।
कार्यक्रममा चौधरीको जीबनबारे बनाइएको बृतचित्र प्रस्तुत गरिएको थियो । ब्यापारिक घरानासंग जोडिएका चौधरीको शोख ब्यापार भन्दा साहित्यमा बढी पाइन्छ । शिक्षाले नै समाज र देशलाई समृद्ध बनाउन सक्छ भन्ने मान्यता राख्ने चौधरीले दुई सय भन्दा बढी बिद्यार्थीलाई छात्रबृति प्रदान गरेर सफलताको शिखरमा पु¥याइसकेका छन् । चौधरीकै अध्यक्षतामा २०५१ मा स्थापित लुनकरणदास गंगादेबी चौधरी साहित्य कला मन्दिरले साहित्य र कलाका क्षेत्रमा योगदान पु¥याउने श्रष्ठाहरुलाई सम्मान गर्दै आएको छ । उनका मेगा र मेरा कबिताहरु नामक दुई वटा कबिता संग्रह प्रकाशित भएका छन् । भने नेपाली, अंग्रेजी र हिन्दी भाषामा गरी आठ वटा गीति एल्बम प्रकाशित भइसकेको छन् ।

फेसबुकबाट तपाईको प्रतिक्रिया

सम्बन्धित समाचार