13-Nov-2019 | २७ कार्तिक २०७६, बुधबार

बुद्ध एयरको १३ औं जहाज काठमाडौं आयो

२८ भाद्र २०७६, शनिबार ०   बिचार / प्रतिक्रिया


काठमाडौं । निजी क्षेत्रको सबैभन्दा ठूलो वायुसेवा कम्पनी बुद्ध एयरले नयाँ जहाज भित्राएको छ । यो बुद्धको १३ औं जहाज हो ।

बुद्धले ८ औं एटीआर ७२ जहाज भित्राएको हो । यो जहाज नेपालको तराई भेगका ठूला विमानस्थल तथा छिमेकी मुलुक भारतका विभिन्न शहरको उडानमा प्रयोग हुँदै आएको छ ।

बुद्धले काठमाडौंबाट कलकत्ता र बनारसमा अन्तर्राष्ट्रिय उडान गर्छ । जहाज शनिबार काठमाडौं आइपुगेको हो ।

७२ सीट क्षमताको यो जहाज भारतको चेन्नईमा ट्रान्जिट गरी शनिबार अपरान्ह २ बजेर ४० मिनेटमा त्रिभुवन अन्तर्राष्ट्रिय विमानस्थलमा अवतरण गरेको कम्पनीले उल्लेख गरेको छ । अब बुद्धसँग ८ एटीआरसँगै तीन एटीआर४२ र दुई १९०० डी जहाज पुगेको छ ।

कम्पनीले अर्को जहाज आगामी महिना ल्याएर जहाज संख्या १४ पुर्याउने जानकारी दिएको छ ।

यस जहाजले भने दशैं अघिनै सेवा थाल्ने भएको छ । नयाँ जहाजले दशैं, तिहार र छठका लागि यात्रुलाई सहजता प्रदान गर्ने कम्पनीले जनाएको छ ।

फेसबुकबाट तपाईको प्रतिक्रिया

सम्बन्धित समाचार