काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराईमाथि नेपालगन्ज विमानस्थलमा अभद्र व्यवहार भएको छ ।

जहाजमा ढिला आएको भन्दै केही व्यक्तिले उनीमाथि गालिगलौज गर्दै भिडियो खिचेर सामाजिक संजालमा भाइरल बनाएका छन् ।

उनीहरुको दावि मन्त्रीले १ घण्टा विमान कुराएको रहेको छ । यूट्यूवमा आफू राजवादी भएको भन्दै चर्चा कमाएका ज्ञानेन्द्र शाहीले मन्त्री भट्टराई माथि तथानाम बोल्दै उनलाई थर्काएका छन् ।

तर, विमानभित्र बसेका मन्त्री भट्टराई भने एक शब्द पनि बोलेका छैनन् ।

शनिबार राती काठमाडौं आइसकेपछि भने मन्त्री भट्टराईले अन्य यात्रु जहाजमा छिरिसकेपछि १५ मिनेट ढिला आफ्नो टोली विमानस्थल छिरेको स्वीकार गरेका छन् ।

उनले जहाज भित्र आफूलाई पारस विरुद्ध ७ लाख हस्ताक्षर बुझाउने तै होइनस् भन्दै अपमानित गरेको समेत बताएका छन् ।

डल्फिन महोत्सव सकेर आउँदा केही ढिला भएको र आइतबार संसदमा जवाफ दिने कार्यक्रम रहेका कारण काठमाडौं फर्कनै पर्ने अवस्था रहेको उनले बताएका छन् १५ मिनेट यात्रुलाई कुराएकोमा मन्त्रीले माफीसमेत मागेका छन ।