काठमाडौं । प्राधिकरणलाई सस्तोमा मूल्य तिरेर घरमा बस्नेसँग दोब्बर मूल्य असुल गर्ने घरबेटीलाई अब नेपाल विद्यूत प्राधिकरणले कारवाही गर्ने भएको छ ।

घरबेटीले विद्यूतको व्यापार गर्न नपाउने भन्दै अब उजुरीका आधारमा कारवाहीको चेतावनी दिएको हो । प्राधिकरणका कार्यकारी प्रमुख कुलमान घिसिङले तोकिएको भन्दा बढी दरमा भाडावालासँग महसुल नलिन घरबेटीसँग आग्रह गरे ।

पछिल्लो समय आफ्नो घर बहालमा लगाउने घरबेटीले भाडावालसँग चर्को दरमा विद्युत महसुल उठाउने गरेको गुनासो प्राधिकरणमा पुगेको छ ।

उनका अनुसार प्राधिकरणले घरबेटीलाई लोड अनुसार प्रतियूनिट ३ देखि १३ रुपैयाँसम्म शूल्क लगाउँछन् ।

तर, घरबेटीले भाडावालसँग १५ देखि २० रुपैयाँसम्म उठाउने गरेका छन् ।

घिसिङका अनुसार प्राधिकरणले तोकभन्दा बढी दरमा शूल्क उठाउनु गैरकानूनि काम हो । घरबेटीले विद्यूतको व्यापार गर्न पाउँदैनन् ।