यूएई । संसारकै अग्लो भवन बुझै खालिफामा इतिहासमै पहिलो पटक नेपाली झण्डा चम्किएको छ ।

संविधान दिवसका अवसर पारी यूएईस्थित नेपाली दूतावासको पहलमा नेपाली झण्डा फहराइएको हो ।

शुक्रबार स्थानीय समय अनुसार ९ बजेर १० मिनेट जाँदा हजरौं पर्यटक तथा नेपाली नागरिक भेला भएको अवस्थामा आकर्षक झण्डाले माहौल गुन्जाएमान भएको थियो ।

हजारौं पर्यटक तथा नेपालीले नेपालको नाम लिँदै संविधान दिवस मनाएका थिए ।

बुर्ज खालिफा संसारभरका पर्यटकको आकर्षणको केन्द्र हो । यूएईको दुवई भ्रमणमा पुग्ने जो कोही पनि पनि यो भवन हेर्न छुटाउँदैनन् ।

पहिलो पटक संसारभरका पर्यटकलाई देखाउने गरी नेपाली झण्डा फहराउन सफल भएकोमा दूतावासको प्रशंसा भइरहेको छ ।