26-Sep-2020 | [nepali_today_date]

खुल्यो बसको अग्रिम टिकट बुकिङ, हजारौंले लिए टिकट

September 22, 2019 ०   बिचार / प्रतिक्रिया


काठमाडौं । दशैमा काठमाडौंबाट बाहिरिने यात्रुले टिकटको जोहो शुरु गरेका छन् । यातायात व्यवसायीले लामो दूरीको यात्राका लागि आइतबारबाट अग्रिम बुकिङ खुला गरेका छन् ।

व्यवसायीहरुका अनुसार आइतबार मात्र हजारौं यात्रुले टिकट काटेका छन् । टिकट बुकिङ खुल्ने दिन हजारौं यात्रु एका बिहानै काउन्टर पुगेका थिए ।

काठमाडौंको कोटेश्वर, गौशाला, नयाँ बसपार्क, कलंकी, बल्खु, पुरानो बसपार्क, सुन्धारा लगायत क्षेत्रबाट विभिन्न स्थानका लागि अग्रिम टिकट बितरण थालिएको हो ।

सीटभन्दा बढी यात्रु नराख्न र त्यसो भए कारवाही हुने यातायात व्यवस्था विभागले यातायात व्यवसायीलाई सचेत गराइसकेको छ ।

हरेक वर्ष सीट बीना यात्रु राखेको पाइए कारवाही हुने बताए पनि त्यो नीतिमा कडाई गर्न भने सरकार असफल हुँदै आएको छ ।

महानगरीय ट्राफिक प्रहरी महाशाखाको अगुवाइमा उपत्यकाबाट बाहिरिने सवारीसाधनका अनुगमन गर्न तथा यात्रुलाई आइपर्ने समस्या समाधान गर्न उपत्यकामा १० असोजबाट नागरिक सहायता कक्ष समेत स्थापना हुने भएको छ ।

यस्तो कक्षमा नागरिकले गुनासो टिपाउन सक्ने भएका छन् । सातदोबाटो, कोटेश्वर, गौशाला, जोरपाटी, नयाँ बसपार्क, स्वयम्भू, कलंकी, नागढुंगा, पुरानो बसपार्क र सुन्धारामा नागरिक सहायता कक्षा स्थापनाको तयारी रहेको छ

Loading...

फेसबुकबाट तपाईको प्रतिक्रिया

सम्बन्धित समाचार