काठमाडौं । साविकको विजेता नेपाल घरेलु मैदानमै भूटानसँग साफ यू–१८ फुटबल च्याम्पियनसिप फुटबलमा पराजित भएको छ ।

आइतबार राजधानीमा सम्पन्न खेलमा भूटानले नेपालमाथि३–० गोल अन्तरको प्रभावशाली जीत निकाल्दै सेमिफाइनल यात्रा सुनिश्चित गरेको छ ।

भूटान नेपालभन्दा निकै कमजोर टीम मानिन्छ । तरm सोही टोलीसँग हार बेहोरेपछि अब नेपालको अघिल्लो चरणको यात्रा निकै कठिन भएको छ ।

भूटानले माल्दिभ्समाथि फराकिलो जीत निकाल्न सकेमात्र नेपाल अघिल्लो चरण प्रवेश गर्छ । किनकी नेपाल र माल्दिभ्स बराबरी खेलेका कारण समान अंक रहेको छ ।

आजको खेलमा नेपाल ३ गोलले पछाडी परेका कारण थोरै अन्तरको हारमा पनि माल्दिभ्स अगाडी जान्छ ।

तेस्रो संकरणको यो प्रतियोगिताको नेपाल साविक विजेता हो । तर प्रतियोगितामा नेपालले फितलो प्रदर्शन गरेको छ ।

हल्चोकस्थित एपीएफ मैदानमा सम्पन्न खेलमा भुटानका लागि यशी दोर्जी, केल्जाङ जिग्मी र कर्मा सोनामले गोल गरे ।