14-Dec-2019 | २८ मंसिर २०७६, शनिबार

छोरीको हत्यापछि बाउद्धारा आत्महत्या

६ आश्विन २०७६, सोमबार ०   बिचार / प्रतिक्रिया


धनगढी। आफ्नो तीन वर्षीया छोरीलाई हत्या गरेपछि एक बाबु्ले आत्महत्या गरेका छन् । धनगढी, गौरीगंगा नगरपालिका–५ मा यस्तो घटना घटेको हो ।

यहाँका स्थानीय रामबहादुर कलेलले विष खुवाएर छोरीको हत्या गरेका थिए । त्यसपछि आफूले पनि विष खाई आत्महत्या गरेको जिल्ला प्रहरी कार्यालय कैलालीले जानकारी दिएको छ ।

गत बैशाखमा उनकी श्रीमती सरिता कलेल घरमै झुन्डिएर आत्महत्या गरेकी थिइन् । त्यसपछि उनलाई श्रीमतिको माइती पक्षले आत्महत्या दुरुत्साहनको मुद्दा दर्ता गराएका थिए।

तर, उनी अदालतबाट निर्दोष सावित भएका थिए । अदालतले निर्दोष सावित गरी जेलबाट छुटेको डेढ महिनापछि उनले नाबालक छोरीको हत्या गरी आफूले पनि आत्महत्या गरेका हुन् ।

घटनाको सम्बन्धमा थप अनुसन्धान भइरहेको प्रहरीको भनाई रहेको छ । पछिल्लो समय नेपालमा आत्महत्या गर्ने र दुरुत्साहन मुद्दामा निर्दोष मानिसहरु फस्ने क्रम बढ्दै गएको छ ।

Loading...

फेसबुकबाट तपाईको प्रतिक्रिया

सम्बन्धित समाचार