29-Jan-2020 | १५ माघ २०७६, बुधबार

अधिकांश अमेरिकी जनता मुलुकले लिएकाे दिशाप्रति असन्तुष्ट

१२ जेष्ठ २०७६, आईतवार ०   बिचार / प्रतिक्रिया

Activists clash with a Trump supporter at a rally in opposition to U.S. Supreme Court nominee Brett Kavanaugh and in support for Christine Blasey Ford, the university professor who has accused Kavanaugh of sexual assault in 1982, near Trump Tower in New York City, New York, U.S., October 4, 2018. REUTERS/Stephen Yang – RC12E965FBC0

वासिंटन डिसी
झन्डै दुई तिहाई अमेरिकी आफ्नो मुलुकको लिएको दिशाप्रति असन्तुष्ट देखिएका छन् । ग्यालप न्यूजको सर्भेक्षण अनुसार ६३ प्रतिशत अमेरिकीले मुलुकको दिशाप्रति असन्तुष्टि जनाएका हुन् ।

३६ प्रतिशत जनता भने अमेरिकाले अवलम्बन गरेको दिशाप्रति सन्तुष्ट देखिएका छन् । ग्यालपका अनुसार मुलुकप्रति खुसी हुने नागरिको संख्या अहिले आठ महिनाको उच्च बिन्दुमा पुगेको हो ।

मे १ देखि १२ सम्म ग्यालपले गरेको सर्भेक्षणमा यो नतिजा आएको हो । गएको अक्टुबर यता मुलुकको दिशाप्रति खुसी हुने अमेरिकीको संख्या ३५ प्रतिशत हाराहारीमा स्थिर देखिएको छ । यस्तै २००५ यता यो संख्या ४० प्रतिशत माथि पनि लाग्न सकेको छैन । सन् १९९८ मा मुलुकको दिशाप्रति खुसी हुने अमेरिकीको संख्या ७१ प्रतिशत थियो । ग्यालपले सन् १९७९ मा सर्भेक्षण थालेयताको यो सबैभन्दा उच्च अंक हो ।

त्यस्तै सबैभन्दा न्यून बिन्दुमा भने सन् २००८ मा झरेको थियो । अमेरिकामा भयानक आर्थिक मन्दी देखिएको उक्त समयमा सात प्रतिशत नागरिक मात्र मुलुकको भविश्यप्रति आशावादी देखिएका थिए । पछिल्लो समय बढि रहेको रोजगारीको दर सकारात्मक सोच राख्नेको संख्या केही बृद्धि हुनुको मुल कारक रहेको ग्यालप न्यूजले विश्लेषण गरेको छ ।

मुलुकको दिशा प्रति आशावादी हुने र नहुने नागरिकको संख्यामा राजनीतिक दल आवद्धताले पनि ठूलो प्रभाव पारेको सर्भेक्षणले देखिएको छ । ६२ प्रतिशत रिपब्लिकनहरुले आफु मुलुकले लिएको दिशाप्रति सकारात्मक रहेको बताएका छन् भने डेमोक्र्याटमा यस्तो संख्या १३ प्रतिशत मात्र रहेको छ ।

यस्तै मुलुकले अवलम्बन गरेको दिशा प्रति असन्तुष्ट हुने नागरिकहरुले पहिलो कारक सरकार एवं कमजोर राजनीतिक नेतृत्वलाई मानेका छन् । २३ प्रतिशत अमेरिकीले नेतृत्वका कारण मुलुकले लिएको दिशाप्रति सन्तुष्ट हुन नसकिएको जवाफ दिएका हुन् । असन्तुष्ट हुने दोस्रो कारकमा आप्रवास (इमिग्रेसन) देखिएको छ । १९ प्रतिशतले इमिग्रेसनका कारण सन्तुष्ट हुन नसकेको बताएका छन् । तेस्रोमा सात प्रतिशतले स्वास्थ सेवालाई समस्याको आधार देखाएका छन् ।

Loading...

फेसबुकबाट तपाईको प्रतिक्रिया

सम्बन्धित समाचार