13-Nov-2019 | २७ कार्तिक २०७६, बुधबार

मुलधारको राजनीतिमा प्रतिनिधित्व गर्न दक्षिण एसियालीहरुको जोड

७ आश्विन २०७६, मंगलवार ०   बिचार / प्रतिक्रिया


न्यूयोर्क/अमेरिका
दक्षिण एशियाली आप्रवासीहरुलाई एक्यबद्ध गर्ने, सहकार्य, विकास र उनीहरुले अमेरिकामा गरेको योगदानबारे अमेरिकी सरकारका प्रतिनिधिलाई सुनाउने उदेश्यले ‘साउथ एसियन कन्भेन्सन २०१९’ सम्पन्न भएको छ । दक्षिण एसियाली मुलुकबाट आएका आप्रवासीहरुलाई संगठित गर्दै आफ्नो समुदायलाई सुदृढ बनाउनका लागि गत वर्षदेखि साउथ एसियन कन्भेन्सन गरिदै आएको हो । साउथ एसियन अमेरिकन भोटर्स एसोसिएसनले आइतबार साँझ आयोजना गरेको कार्यक्रममा नेपाल, भारत, बंगलादेश, पाकिस्तान, श्रीलंका, भुटान, माल्दिभ्स, अफगानस्थान लगायत मुलुकहरुको प्रतिनिधित्व र सहभागिता थियो । साथै कार्यक्रममा स्थानीय जनप्रतिनिधिहरुको सहभागिता थियो ।
‘दक्षिण एसियाली समुदायका राजनीतिज्ञहरुलाई एउटै फोरममा ल्याएर अन्तरक्रिया गराउने र हामीहरुले अमेरिकामा गरेको योगदान र चुनौतीबारे सुनाउने उदेश्यले उक्त कार्यक्रममा नेपालको तर्फबाट सक्रिय भएका हौं’ एनआरएन न्यूयोर्क च्याप्टरका अध्यक्ष तथा कन्भेन्सनका नेपाली कन्भेनर रामहरी अधिकारीले भने, मुलधारको राजनीतिमा नेपाली समुदायको सहभागीता बढाउने उदेश्यले हामीले पनि हाम्रा कुरा राख्ने मौका पाएका हौं । दक्षिण एसियाली मुलुकका राजनीतिज्ञ, इलेक्टेड प्रतिनिधिहरुलाई एउटै फोरममा ल्याएर दक्षिण एसियाली समुदायमा हामी नेपालीहरुको संख्या ठूलो छ हामीहरुको पनि प्रतिनिधि हुनुपर्छ भन्ने सन्देश फैलाउन खोजिएको हो ।’
पछिल्लो समय अमेरिकामा आफ्नो उद्यम, व्यवसाय मात्र नभई राजनितिमा पनि दक्षिण एसियालीको अनुहार सक्रिय रुपमा देख्न थालिएको छ । कामप्रतिको इमान्दारिता, मेहनत र लगावले दक्षिण एसियालीहरुले अमेरिकाका ठूला कर्पोरेट हाउसहरुमा माथिल्लो पदमा काम गरिहरहेको पाइन्छ ।

फेसबुकबाट तपाईको प्रतिक्रिया

सम्बन्धित समाचार