इस्लामावाद । पाकिस्तानमा मंगलबार साँझ शक्तिशाली भूकम्पमा परी ४ जनाको मृत्य भएको छ ।

पाकिस्तानले शासन गरेको कश्मीर क्षेत्रमा भूकम्प गएको र अहिलेसम्म ४ जनाको मृत्यु भएको अन्तर्राष्ट्रिय संचारमाध्यमले लेखेका छन् ।

घाइतको संख्या ठूलो संख्यामा रहेका कारण मृतकको संख्या बढ्न सक्ने आंशका गरिएको छ ।

भूकम्पको धक्का पाकिस्तान प्रशासित कश्मीरसहित राजधानी इस्लामावाद, लाहौर, पेशावरसम्म गरिएको बताइएको छ ।

भूकम्पबाट एक बालिकासहित ४ जनाको ज्यान गुमाइसकेको बीबीसीले उल्लेख गरेको छ ।

पाकिस्तानी सेनाका प्रवक्ता मेजर नजरल आसिफ गफूरले ट्वीट गर्दै सेनाको मेडिकल टीम घट्नामा खटिएको उल्लेख गरेका छन् ।

बीबीसीका अनुसार धक्का भारतको राजधानी नयाँ दिल्ली सम्म गरिएको छ । पाकिस्तानको पंजाबस्थित झेलम शहरदेखि करिब ५ किलोमिटर दुरीमा अवस्थित जाटलानमा भूकम्पको केन्द्रविन्दु थियो ।

भूकम्प ५ दशमलब ८ रेक्टर स्केलको रहेको अमेरिकी भूकम्प मापन केन्द्रले जानकारी दिएको छ ।

पाकिस्तानी संचारमाध्यमले भूकम्पका कारण सडकमा ठूल्ठूला चिरा परेको दृष्य प्रसारण गरेका छन् ।

एजेन्सी