10-Aug-2020 | २६ श्रावण २०७७, सोमबार

पर्यटन मन्त्रीले क्यानडा पुगेर भने ‘नेपाल घुम्न आउनुहोस’

९ आश्विन २०७६, बिहीबार ०   बिचार / प्रतिक्रिया


क्यानडा । संस्कृति, पर्यटन तथा नागरिक उड्डयन मन्त्री योगेश भट्टराईले क्यानडाबाट संसारभरका पर्यटकलाई नेपाल भ्रमणको निम्तो दिएका छन् ।

अन्तर्राष्ट्रिय नागरिक उड्डयन संगठनको ४० औं महासभामा भाग लिन मन्त्री भट्टराईसहितको टोली अहिले क्यानडामा रहेको छ ।

उनले महासभालाई बुधबार साँझ सम्बोधन गरेका छन् ।

सम्बोधनका क्रममा आइकाओको झण्डा नेपालले सगरमाथा चुचुरोमा पुर्याएको स्मरण गराउँदै सन् २०२० को भ्रमण वर्षमा नेपाल आउन उनले विदेशी पाहुनालाई आग्रह गरे ।

उनले हवाई सुरक्षामा नेपालले क्रमशः सुधार गरिरहेको भन्दै नेपालमा हवाई दूर्घटनाको दर समेत निकै घटेको उल्लेख गरेका छन् ।

मन्त्री भट्टराईले छिट्टै नेपाल इयूको कालोसूचिबाट समेत हट्ने अपेक्षा रहेको उल्लेख गरे ।

सम्मेलनका दौरान नेपाल र यूएईबीच हवाई सम्झौता र अष्टे्रलियासँग हवाई वार्ताको कार्यक्रम रहेको छ ।

आइकाओको ७५ औं वर्षगाठ पुगेको छ भने यो ४० औं महासभा हो । महासभा तीन वर्षमा कम्तीमा एक पटक आयोजना गर्ने प्रचलन रहेको छ ।

Loading...

फेसबुकबाट तपाईको प्रतिक्रिया

सम्बन्धित समाचार