13-Dec-2019 | २७ मंसिर २०७६, शुक्रबार

कांग्रेस सभापति देउवाले द्वन्द्वपिडितका कुरा नसुनेपछि….

९ आश्विन २०७६, बिहीबार ०   बिचार / प्रतिक्रिया


काठमाडौं । बिहीबार काठमाडौंमा कांग्रेस सभापति शेरबहादुर देउवाविरुद्ध एक कार्यक्रममा खुलेर हुटिङ भयो । सहभागीहरुले उनीविरुद्ध नाराबाजी समेत गरे ।

आखिर कारण के थियो ? संक्रमणकालीन न्याय निरुपण गर्ने उपाय खोज्ने उद्देश्यले राष्ट्रिय मानवाधिकार आयोगले बिहीबार राजधानीमा एक महत्वपूर्ण कार्यक्रम आयोजना गर्यो ।

सत्तापक्ष नेपाल कम्युनिस्ट पार्टी र प्रमुख प्रतिपक्षी नेपाली कांग्रेसका प्रमुख नेतालाई एकै स्थानमा राखेर सशस्त्र द्वन्द्वकालमा राज्य र तत्कालिन माओवादी पक्षबाट भएका पिडितहरुको गुनासा सुनाउने कार्यक्रम आयोजना गरिएको थियो ।

द्वन्द्वकालमा फरक फरक पक्षबाट पिडित भएपनि पिडितका पीडा समान थिए । उनीहरुले न्याय खोजिरहेका थिए ।

आयोगले कांगेस सभापति र नेकपाका तर्फबाट अध्यक्ष प्रचण्डलाई कार्यक्रममा सहभागी गराएको थियो । सरकारले सत्य निरुपण तथा मेलमिलाप र बेपत्ता छानविन सम्बन्धी आयोग गठनको समेत प्रक्रिया थालेको छ ।

राजधानीको प्रज्ञा भवनमा आयोजित कार्यक्रममा कांगे्रस सभापति शुरुमै बोले । त्यसपछि उनी बाहिर निस्किए । जब उनी निस्कन लागे ।

सहभागीले हुटिङ शुरु गरे । होहल्ला गरे । उनीहरुको माग सभापति देउवाले आफूहरुको कुरा सुन्नुपर्छ भन्ने थियो । किनकी देउवा शसस्त्र द्वन्द्वकालमा सरकारी पक्षको सबैभन्दा बढी नेतृत्व गर्ने नेता हुन् ।

नेकपा अध्यक्ष प्रचण्ड भने द्वन्द्वरत पक्षको नेतृत्वमा थिए । १० वर्षे सशस्त्र द्वन्द्वको शूरु नै देउवाको प्रधानमन्त्रित्व कालमा भएको थियो ।

कांग्रेसका तर्फबाट डा. मिनेन्द्र रिजालले पीडितका कुरा सुन्नेका थिए । सशस्त्र द्वन्द्वमा विद्रोही पक्षका कमाण्डर नेकपा अध्यक्ष प्रचण्डले भने चित्तबुझ्दो भाषण गरी सहभागीलाई आश्वस्त पारेका थिए ।

उनीले आफू पनि न्यायको खोजीमा रहेको भन्दै पीडितको चित्त बुझाउने प्रयास गरेका थिए ।

कार्यक्रममा नेकपा नेता माधव नेपालसमेत सहभागी थिए । नेताहरुले द्वन्द्वकालिन मुद्दा टुंग्याउन ढिला भएको भन्दै अब अन्तिम पटक मौका दिन पिडितसँग माग समेत गरे ।

कार्यक्रममा प्रचण्डले न्यायमा भएको ढिलाई प्रति माफि समेत मागेका थिए ।

Loading...

फेसबुकबाट तपाईको प्रतिक्रिया

सम्बन्धित समाचार