काठमाडौं । नेपालले शुक्रबार टेस्ट मान्यता प्राप्त जिम्बाब्वेसँग टी २० क्रिकेटमा प्रतिस्पर्धा गर्दैछ । जिम्बाब्वेलाई हराउन सके त्यो नेपालको ऐतिहासिक जीत हुने छ ।

किनकी नेपालले आजसम्म टी २० इन्टरनेशनलमा छेस्ट राष्टलाई हराएको छैन । सिंगापुरमा नेपाली समय अनुसार साँझ सवा ५ बजेबाट खेल शुरु हुने छ ।

टी–२० त्रिकोणात्मक सिरिज क्रिकेटमा नेपालले टेष्ट मान्यता प्राप्त देश जिम्बाब्वेसँग आयोजक सिंगापुरसँग पनि भिड्दैछ । खेल डबल राउण्ड रोविनको आधारमा सञ्चालन हुँदैछ ।

नेपालले दोस्रो खेल शनिबार सिंगापुर, तेस्रो खेल जिम्बाब्वेसँग अक्टोबर १ र अक्टोबर २ मा सिंगापुरसँग खेल्ने भएको छ । यस चरणको शीर्ष दुई टिम उपाधीका लागि भिड्नेछन् ।