मानिसको शरिरमा अनेकौं खानेकुरा र बस्तुहरुको एलर्जी हुने गरेको बिषय नौलो होईन । कसैलाई कुनै बिशेष खानाको एलर्जी हुने गर्दछ भने कसैलाई धुलो धुँवा रुख बिरुवा फुल लगायत बातावरणीय बस्तुको एलर्जी हुन्छ । तर लन्डन निवासी एक महिलालाई भने बर्तमान दैनिक जीवनकै अभिन्न अंग बनिसकेको वाईफाईको एलर्जी भएर बिरामी पर्ने गरेको खबर प्राप्त भएको छ । ७० बर्षीया रोसी ग्ल्याड वेलले आफुलाई वाईफाईको एलर्जी भएको आँफैले पत्ता लगाएपछि उनी अहिले चाँदी (सिल्भर) र तामा (कपर) को स्लिपिङ् ब्याग भित्र सुत्ने गरेकी छिन् । उनलाई वाईफाईबाट आउने ईलेक्ट्रो म्याग्नेटिक रेडिएसनले एलर्जी गराएर शरिर कमजोर भएको र सास फेर्न समेत गाह्रो भएको बताएकी छिन् । सोको असरले अनुहारमा सियोले घोचे जस्तो महसुस भएपछि उनले वाईफाईबाट आउने ईलेक्ट्रो  म्याग्नेटिक रेडिएसनबाट बच्नको लागि हजारौ पाउन्ड खर्च गरेर चाँदी र तामाको लेपन भएको स्लिपिङ् ब्याग खरिद गरेकी छिन् भने वाईफाई भए नभएको पत्ता लगाउने रेडिएसन डिटेक्टर समेत खरिद गरेकी छिन् ।  बेलायतस्थित द सनको अनुसार वाईफाईको भयका कारण बेलायतको दुर्गम गाउँमा बसोबास गर्दै आएकी उक्त महिलाले त्रास ब्यक्त गर्दै भनेकी छिन्; “बर्तमानमा आफुले ईलेक्ट्रो म्याग्नेटिक रे नभएको दुर्गम ठाउँमा बसोबास गर्ने मौका पाएपनि निकट भविष्यमा यो ठाउँमा पनि जडान हुन लागेको ५ जी नेटवर्कका कारण तनाबमा रहेको छु ।”

रोसी कहिले काँही रेस्टुरेन्टमा खाना खान जाने गरेकी छिन । उनी रेस्टुरेन्टमा गएपछि आफ्नो साथमा भएको रेडिएसन डिटेक्टरले कुन चाँही सिटमा कम रेडिएसन छ त्यो जाँच गर्द्छिन अनि त्यही सिटमा बसेर खाना  खान्छिन् । रोसी स्पेनस्थित हिमाली क्षेत्र नजिकैको आफ्नो माइतीमा पनि धेरै समय बिताउँछिन, किनकि त्यहाँ वाईफाई छैन ।  आफ्नो माईती जाँदा रोसीले ३० घण्टाको पानी जहाजको यात्रा गर्नु पर्छ । आफ्नो पतिसँग ३० घण्टाको जहाज यात्रामा पनि रोसीले तामा र चाँदीको लेपन भएको स्लिपिङ् ब्याग भित्र बसेर यात्रा गर्ने गरेकी छिन् । यदि उनी लामो समयसम्म वाईफाई भएको ठाउँमा बसिन् भने आफ्नो घरमा आएर टिभि फोन सबै बन्द गरेर दुई दिनसम्म  स्लिपिङ् ब्याग भित्र बस्ने गर्दछिन् ।  

द सनको अनुसार ६ बर्ष अगाडि रोसी बिरामी परेपछि उनले आफ्नै घरमा भएको वाईफाई १० मिनेट बन्द गरेपछि उनको शरीरमा देखिएको समस्या निको भएपछि उनले वाईफाईको एलर्जी भएको टुँगोमा पुगेकी थिईन । बैज्ञाननिकहरुका अनुसार संसारमा ४ प्रतिशत मानिस इलेक्ट्रो म्याग्नेटिक फिल्डबाट पिडित हुने गरेका छन् ।  

श्रोत : द सन