विज्ञान प्रविधि

आजदेखि ३२ जिल्लामा टेलिकमको फोरजी सेवा

काठमाडौं । नेपाल टेलिकमले बुधबारदेखि थप ३२ जिल्लामा फोरजी सेवा बिस्तार गर्ने भएको छ ।

यसअघि काठमाडौं र पोखरामा मात्र सिमित अत्याधुनिक सेवा बिस्तारसँगै टेलिकमले ग्राहकका लागि आकर्षक प्याकेजहरुसमेत सार्वजनिक गरेको छ ।

उच्च गतिको इन्टरनेट सेवाको नेटवर्क फैलिएसँगै ग्राहकलाई सहज हुने विश्वास टेलिकमको रहेको छ ।

टेलिकमका अनुसार फोर जी सेवा विस्तार भएसागै ग्राहकले साविककै मूल्यमा दोब्बर डाटा पाउन सक्ने भएका छन् ।

यसअघि नै मोबाइलका उपभोक्तालाई दिइएका अल टाइम डाटा अफरमा समेत शत प्रतिशत डाटा भोल्युम थप्ने योजना रहेको छ ।

साविकै मूल्यमा यी सुविधा उपलब्ध हुने भएका छन् । नेपाल टेलिकम फोरजी सेवा बिस्तार गर्ने मुलुकको पहिलो टेलिकम कम्पनी हो ।

१७ पुस २०७३ मा कम्पनीले काठमाडौं र पोखरामा फोरजी सेवा प्रारम्भ गरेको हो ।

फोरजी सेवाले उच्च गतिको मोबाइल ब्रोडव्याण्डमार्फत, श्रव्यदृश्य तथा विद्युतीय माध्यमबाट शिक्षा, स्वास्थ्य, सामाजिक सेवा र मनोरञ्जन लगायत विविध सेवा प्रवाहमा वृहत् सुधार हुने विश्वास कम्पनीको छ ।

नेपालमा सबैभन्दा तिब्र गतिमा बिस्तार भइरहेको क्षेत्र नै सूचना तथा संचार प्रविधि हो । जसले जनजीवन समेत निकै सहज बनेको छ ।