लण्डन । इंग्ल्यान्डको राष्ट्रिय महिला यु–१९ टीममा नेपाली मुलकी अस्मिता आलेले स्थान बनाएकी छिन् ।

इंग्लिस प्रिमियर लिग क्लब एस्टन भिल्लामा आवद्ध १७ वर्षीया सेन्टर ब्याक अस्मिता युइएफए महिला यु–१९ च्याम्पियनसिप छनोट प्रतियोगिताका लागि राष्ट्रिय टीममा परेकी हुन् ।
उनी इंग्ल्यान्डको उमेर समूहको राष्ट्रिय टिममा पर्ने नेपाली मूलकी पहिलो खेलाडी बन्न सफल भएकी छिन् ।

उनले युइएफए यु १७ प्रतियोगितामा इंग्ल्यान्डको जर्सीमा खेलिसकेकी छिन् । उनी इंल्याण्डको टोलीबाट इटाली र स्पेनविरुद्ध खेलेकी खेलाडी हुन् ।

इंग्ल्यान्डको टीमबाट उनले जापानविरुद्ध पनि खेलेकी छिन् । उमेर समूहमा उत्कृष्ट प्रदर्शन गरेकै कारण अस्मिता एस्टन भिल्ला टोलीको पहिलो रोजाइमा पर्न सफल भएकी हुन् ।

अस्मिता अवकासप्राप्त गोरखा सैनिककी सन्तान हुन् । उनी डिफेन्डरको भूमिकामा खेल्छिन् ।