Epapers :

23-Oct-2019 | ६ कार्तिक २०७६, बुधबार

प्रधानमन्त्रीको जिल्लामा औद्योगिक पार्क बन्ने पक्का

१७ आश्विन २०७६, शुक्रबार ०   बिचार / प्रतिक्रिया

सांकेतीक तस्वीर

काठमाडौं । प्रधानमन्त्री केपी शर्मा ओलीको गृह जिल्ला झापामा औद्योगिक पार्क बन्ने पक्का भएको छ ।

चिनियाँ लगानीमा झापाको दमकमा औद्योगिक पार्क निर्माण गर्ने सम्बन्धमा बिहीबार एक सम्झौता पत्रमा हस्ताक्षर भएको छ ।

पार्क निर्माण गर्न लगानी बोर्ड र चिनियाँ कम्पनी लासा इकोनोमिक एण्ड टेक्नोलोजी डेभलपमेन्ट जोन जिङपिङ जोईन्ट कन्स्ट्रक्सन कम्पनीबीच बिहीबार राजधानीमा आयोजित एक कार्यक्रममा सम्झौता भयो ।

यस औद्योगिक र्पाकमा ६४ अर्ब रुपैयाँ लगानी हुँदैछ । यस लगानीलाई लगानी बोर्डले यसअघि नै स्वीकृति दिएको थियो ।

पार्कको नाम ‘चाईना नेपाल फ्रेण्डसिप इन्डष्ट्रियल पार्क’ राखिने उक्त कार्यक्रममा जानकारी दिइयो ।

पार्क निर्माण गर्न विस्तृत परियोजना प्रतिवेदनकोे काम शुरु भइसकेको लगानी बोर्डका प्रमुख कार्यकारी अधिकृत महाप्रसाद अधिकारीले जानकारी दिए ।

उनका अनुसार सरकारले सात वटै प्रदेशमा औद्योगिक पार्क निर्माण गर्ने उद्देश्य राखेको छ । सोहीअनुसार प्रदेश नं १ मा औद्योगिक पार्क निर्माणले गति लिएको हो ।

फेसबुकबाट तपाईको प्रतिक्रिया

सम्बन्धित समाचार