कला / साहित्य

परदेशीको दशैं

घनश्याम कडरिया बियोग

नपर्खिनु बोकि हातमा अक्षताको थाली आमा

आउन पाइन यो दशैंमा रह्यो निधार खाली आमा

 

धान झुल्ला खेतभरी, फुल फुल्ला बारीभरी

यसपाली बिदा छैन, आउँछु अर्को पाली आमा

 

पाइन मैले पठाउन, सौदा केही यसैपाली

नयाँ नाना नभएनि, लाउनु भाको टाली आमा

 

सम्झि रा‘छु गाऊबेसी, बालसंगी सबैलाई

हांसिखुसी रहुन सबै, बगैचाका माली आमा

 

पींग खेल्दै रमाउनु, खुसीयाली सबैतिर

आशिर्वाद भवानीको, छाओस सबमा लाली आमा