12-Dec-2019 | २६ मंसिर २०७६, बिहीबार

अमेरिकामा बडा दशैं लक्षित कार्यक्रम सम्पन्न

२१ आश्विन २०७६, मंगलवार ०   बिचार / प्रतिक्रिया


सुपेन्द्र बस्नेत / रोड आईल्याण्ड

नेपालीहरुकाे महान चाड बडा दशैंलाई लक्षित गरी आयाेजना गरिएकाे दशैं कार्यक्रम अमेरिकाकाे राेड आईल्याण्डमा भब्यताका साथ सपन्न भएकाे छ । नेपाली समुदायकाे संस्था नेप्लिज एसाेसिएसन अफ राेड आइल्याण्ड (Nepalese Association of Rhode Island )ले आयाेजना गरेकाे  शुभकामना आदान-प्रदान सहितकाे उक्त मनाेरञ्जनात्मक कार्यक्रम भब्यताकासाथ सम्पन्न भएकाे हाे । संस्थाले अमेरिकाकाे राेड आइल्याण्ड राज्यमा बसाेबास गर्ने नेपाली समुदायलाई लक्षित गरी आयाेजना गरेकाे कार्यक्रमकाे मुख्य उद्देश्य चाड पर्व, धर्म, संस्कृति, परमपरा, रितिरिवाज आदिकाे संरक्षण र संबर्द्धन गर्नु रहेकाे थियाे ।

गत आइतबार अक्टाेबर ६ मा पटाकेटमा आयाेजना गरिएकाे कार्यक्रममा झण्डै दुई सय नेपालीहरुकाे उत्साहजनक सहभागिता रहेकाे संस्थाका  अध्यक्ष उत्सव श्रेष्ठले जानकारी दिनु भयाे । कार्यक्रममा शुभकामना आदान प्रदान गरिनुका साथै  कलाकारहरुले मनाेरन्जनात्मक नेपाली कला समेत प्रस्तुत गरेका थिए । प्रति टिकट २० डलर शुल्क रहेकाे कार्यक्रममा कलाकारहरु बिमला ढकाल, भिम्तुना महर्जन, स्नेहा पाेखरेल, सुदिश्मा आचार्य, गिता भण्डारी, ग्रिस्मा श्रेष्ठ, त्रिशा भागुइज, बिनिता महर्जन, अन्या खड्का लगायत कलाकारहरुले आफ्नाे कला प्रस्तुत गर्दै सहभागिहरुलाई भरपुर मनाेरञ्जन प्रदान गरेका थिए ।

कार्यक्रममा नेपालीपन झल्काउने स्वादिष्ट परिकारहरुकाे समेत ब्यवस्था गरिएकाे थियाे । उक्त अवसरमा संस्थाका क्रियाकलापहरुका बारेमा संक्षिप्त जानकारी दिनुका साथै गत अगष्टमा सम्पन्न गरिएकाे पिकनिक कार्यक्रमकाे आय ब्यय समेत प्रस्तुत गरिएकाे थियाे । कार्यक्रम सफलतापूर्वक सम्पन्न भएकाे प्रति खुशी हुदै संस्थाका अध्यक्ष श्रेष्ठले प्रत्यक्ष अप्रत्यक्ष सहयाेगी भूमिका निर्वाह गर्ने सबैलाई धन्यबाद् ब्यक्त गर्नु भयाे । “ब्यस्त समयका बाबजुद पनि कार्यक्रमलाई प्राथमिकता दिएर सहभागि हुने, सहयाेग गर्ने र कार्यक्रमकाे बिभिन्न जिम्मेवारी बहन गर्नु हुने सबैलाई संस्थाकाे तर्फबाट धन्यबाद दिन चाहन्छु ” अध्यक्ष श्रेष्ठले भन्नु भयाे । कार्यक्रमकाे सफलताले आगामी दिनमा पनि  संस्थालाई थप सक्रिय बनाउन महत्वपूर्ण उर्जा सहितकाे उत्प्रेरणा मिलेकाे भन्दै अध्यक्ष श्रेष्ठले आगामी दिनमा पनि यस्तै साथ र सहयाेग प्राप्त हुने बिश्वास ब्यक्त गर्नु भयाे । 

परदेशमा नेपालीलाई नेपालीकाे साथ र सहयाेग निकै महत्वपूर्ण हुने भएकाले सबै नेपालीहरुलाई संगठित गराउने पनि कार्यक्रमकाे उद्देश्य रहेकाे  संस्थाका उपाध्यक्ष निराजन अधिकारीले बताउनु भयाे । धार्मिक,सामाजिक र साँस्कृतिक महत्व बाेकेका नेपाली प्रमुख चाडहरु सामुहिक रुपमा मनाउन संस्थाले हरसम्भव अग्रणी भूमिका खेल्ने प्रयास गरिरहेकाे छ” अधिकारीले भन्नु भयाे ” यस्ता कार्यक्रमहरु मनाेरञ्जनका लागि मात्र नभई ज्ञान शिक्षाका लागि पनि केन्द्रित गरिनु जरुरी छ जाे हामी गर्ने प्रयास गरिरहेका छाै ।” संस्थाले पहिलाे पटक यही आउदाे नेपालीहरुकाे दाेश्रो ठुलाे चाड तिहारमा द्येउसी भैलाे खेल्नका लागि आवश्यक तयारी समेत सुरु गरिसकेकाे अधिकारीले जानकारी दिनु भयाे । संस्थाले गरेका क्रियाकलापका कारण अहिले राेड आइल्याण्ड राज्यमा बस्ने मात्र नभई छिमेकी राज्यका नेपाली समुदायहरु पनि संस्थामा आबद्ध हुने क्रम बढ्दै गइरहेकाे छ । झण्डै  बाह्र बर्ष अघि  आेम् देवकाेटा, प्रशान्त थापा सहितका अग्रजहरुले जन्माएकाे संस्था विविध कारणले केहिे  बर्षदेखि निष्कृय रहेकाे थियाे । वर्तमान अध्यक्ष उत्सब श्रेष्ठ, उपाध्यक्ष निराजन अधिकारी,सचिब आशिष श्रेष्ठ, काेषाध्यक्ष सुरज अर्याल, सहसचिब एलिना धिताल, सदस्य निलिमा श्रेष्ठ, आस्था थापा लगायतका युवाहरुकाे सक्रियतामा एक बर्षदेखि संथाले सक्रियताकाे गति लिदै आएकाे छ । २,६७८ वर्ग किलाेमिटर क्षेत्रफल रहेकाे अमेरिकाकै सबैभन्दा सानाे यस राज्यमा साँढे दश लाख जनसंख्या रहेकाे छ भने झण्डै सात सयकाे हाराहारी नेपालीहरुकाे बसाेबास रहेकाे अनुमान गरिएकाे छ ।

Loading...

फेसबुकबाट तपाईको प्रतिक्रिया

सम्बन्धित समाचार