विश्व

संसारकै धनी शहर बन्यो न्यूयोर्क; कुन कुन सहर कति नम्बरमा ?

न्यूयोर्क   

विश्वका धेरै देशहरुमा सुन्दर र बिशाल सहरहरु छन । कतिपय शहरहरुमा त संसारका थुप्रै मानिसहरुको पुग्ने धोको नै हुन्छ । विश्वका चर्चित सहरहरुको चर्चा गर्दा गत बिहीवार “न्यू वर्ल्ड वेल्थ” ले संसारका धनी सहरहरुको सुची सार्वजनिक गर्दै अमेरिकाको न्युयोर्क शहरलाई संसारकै सबैभन्दा धनी सहरको रुपमा सुचीकृत गरेको छ । साउथ अफ्रिकाको जोहान्सवर्गमा रहेर ग्लोबल मार्केट रिसर्च ग्रुपको रुपमा काम गर्दै आएको न्यु वर्ल्ड वेल्थले गत बिहीवार सार्वजनिक गरेको सर्वाधिक सम्पन्न सहरको सुचीको पहिलो नम्बरमा परेको न्युयोर्क सहरको खुद सम्पत्ती ३ खर्ब अमेरिकी डलर रहेको छ ।

 “बिग एप्पल” को नामले चिनिने गगनचुम्बी स्काईस्क्रेपरको सहर न्युयोर्कमा यो संसारका ६५ जना खर्बपति बसोबास गर्दछन् भने ३ लाख ८० हजार भन्दा धेरै जना करोडपतीहरुको बसोबास पनि यसै सहरमा छ । विश्व कै सबैभन्दा ठुला न्यूयोर्क स्टक एक्स्चेन्ज र नाजदाक दुई वटा स्टक एक्सचेन्ज न्यूयोर्कमा नै छन् । रिपोर्टका अनुसार जापानको टोकियोले खुद सम्पत्ती २ खर्ब ५० अर्ब सहित संसारकै दोश्रो धनी सहर बन्ने सौभाग्य प्राप्त गरेको छ ।

टोकियोलाई पछ्याउँदै अर्का दुई चर्चित सहरहरु बेलायतको लन्डन र अमेरिका कै सानफ्रेन्सिस्को तेश्रो धनी शहर दरिएका छन् । तेश्रो स्थानमा सुचीकृत यी दुई शहरको खुद सम्पत्ति २ खर्ब ४० अर्ब रहेको छ ।  चाईनाको राजाधानी बेईजिङ् २ खर्ब १० अर्ब सम्पत्ति सहित पाँचौ नम्बरमा परेको छ भने अर्को आर्थिक केन्द्र सांघाई १ खर्ब ९० अर्ब सम्पत्ति सहित छैठौं भएको छ ।  १ खर्ब २० अर्ब सम्पत्ति सहित हङ्कङ आठौं धनी सहर भएको छ । भारतको मुम्बई शहर ९ सय ६० अरब सम्पत्ति सहित १२ औं स्थानमा परेको छ  । त्यस्तै भारत कै अर्को सहर दिल्ली २२ औं स्थानमा परेको छ ।  

अमेरिका कै अन्य सहरहरु लसएन्जलस, शिकागो, ह्युस्टन २० धनी शहर भित्र परेका छन् । सन् २०१९ को लागि धनी सहरहरुको सुचीकृत गर्दा सम्बन्धित सहरमा बसोबास गर्नेहरुको ब्यक्तिगत नगद सम्पत्ति इक्युटी र सम्पूर्ण दायित्व घटाईएको ब्यापारबाट प्राप्त ब्याजलाई आधार मानिएको जनाईएको छ ।  

एजेन्सी