काठमाडौं । गैरआवासीय नेपाली संघ (एनआरएन)को ९ औं विश्व सम्मेलन काठमाडौंमा जारी छ ।

बिहीबारसम्म चल्ने सम्मेलनमा बुधबार निर्वाचन हुने कार्यक्रम तय भएकोमा साँझ ८ बजेसम्म मतदान शुरु हुन सकेको छैन । बुधबार दिनभर जसो काठमाडौंको हायात होटेलमा नाराबाजी र हुटिंग भइरह्यो ।

निर्धारित समय अनुसार साँझ ७ बजेबाटै मतदान शुरु हुन पर्ने थियो ।

मतदाता नामावली प्रकाशन, उम्मेदवारी दर्ता, दावी विरोधगायतका सम्पूर्ण काम सकिएपछि मतदान सुरु हुने बताइएपनि मतदान हुन सकिरहेको छैन ।

अध्यक्षका प्रत्यासी एवम् संघका वर्तमान उपाध्यक्षद्वय कुल आचार्य र कुमार पन्तले अलग–अलग टिम बनाएर उम्मेदवारी दिएका छन् ।

बुधबार अध्यक्षका प्रत्यासी आचार्यले पन्तको टीमका कोषाध्यक्षका उम्मेदवार महेशकुमार श्रेष्ठ र सचिवका उम्मेदवार गौरी जोशीलाई आफ्नो प्यानलमा फर्काएका छन् ।
श्रेष्ठ जापान र जोशी अमेरिकाको गैरआवासीय नेपाली समुदायमा परिचित अनुहार हुन् ।