काठमाडौं । सरकारले राष्ट्रपति विद्यादेवि भण्डारीको म्यानमार सवारीका लागि नेपाल एयरलाइन्सको जहाज चार्टर्ड गरेको छ ।

काठमाडौंबाट थाइल्याण्ड हुँदै म्यानमारसम्म निगमको एयरबस ३२० जहाज उडेको थियो ।

थाइल्याण्डसम्म नियमित उडानका यात्रु समेत लगेर गएको निगमको उक्त जहाजले राष्ट्रपतिसहित उनको भ्रमण दलका दुई दर्जन सदस्यलाई भने म्यानमारमा छाडेर पुनः थाइल्याण्ड हुँदै काठमाडौं फर्किएको हो ।

एक साता लामो राजकीय भ्रमणका सिलसिलामा राष्ट्रपति भण्डारी म्यानमारमा छिन् । उनको भ्रमणका दौरान बिहीबार नेपाल र म्यानमारबीच पर्यटन प्रवद्र्धन सम्बन्धी एक सम्झौतामा हस्ताक्षर समेत भएको छ ।

राष्ट्रपति आगामी बुधबार काठमाडौं फर्कने कार्यक्रम रहेको छ । उक्त समयमा पनि निगमको जहाज म्यानमार पुग्नेछ ।