23-Nov-2019 | ७ मंसिर २०७६, शनिबार

तिहारमा पटाका प्रतिवन्ध, विकृतियुक्त गीत बजाए कारवाही

५ कार्तिक २०७६, मंगलवार ०   बिचार / प्रतिक्रिया


काठमाडौं । सरकारले तिहार मनाउने नाममा विकृति नभित्राउन आम सर्वसाधारणमा अनुरोध गरेको छ ।

गृह मन्त्रालयले मंगलबार एक विज्ञप्ती जारी गर्दै तिहारमा देउसी भैलोजस्ता मनोरञ्जनात्मक कार्यक्रममा समाजमा नकारात्मक असर पार्ने खालका गीत, संगीत तथा श्रव्य दृश्य सामग्री उत्पादन, गायन, प्रसारण विक्री वितरण नगर्न नगराउन आग्रह गरेको
हो ।

यस्तो काम भएमा कानून बमोजिम कडा कारवाही गर्न सम्बन्धित निकायमा निर्देशन गइसकेको मन्त्रालयले उल्लेख गरेको छ ।

मंगलबार नै विकृति फैलने खालको गीत गाएका गायक दुर्गेस थापालाई प्रहरीले पक्राउ गरी गीत थुट्यूव च्यानलबाट हटाउन लगाएको थियो ।

दीपावली मनाउने नाममा भुइँचम्पा, पटाका, आतशवाजीजस्ता विष्फोटक पदार्थको उत्पादन, आयात, निर्यात खरिद,विक्री वितरण, ओसारपरसार तथा प्रयोगमा समेत प्रतिवन्ध लगाएको सरकारले ती सामाग्रीसम्बन्धी कुनै काम नगर्न समेत सचेत गराएको छ ।

पछिल्ला वर्ष नेपालमा विष्फोटक प्रदार्थ आयातमा कडाई गरेपनि चोरबाटो प्रयोग गरी यस्ता सामग्री भित्रने गरेका छन् ।

Loading...

फेसबुकबाट तपाईको प्रतिक्रिया

सम्बन्धित समाचार