23-Nov-2019 | ७ मंसिर २०७६, शनिबार

लोडसेडिङ हटेको उल्लासमय पर्व तिहार

६ कार्तिक २०७६, बुधबार ०   बिचार / प्रतिक्रिया


काठमाडौं । ४ वर्ष अगाडीसम्म नेपाल विद्यूत प्राधिकरणले हरेक तिहारमा एक सूचना जारी गथ्र्यो । सूचनामा बढी विद्यूत खपत हुने सामग्रीको कम प्रयोग गरी लोडसेडिङ हुनबाट बचाउन आह्वान गरिएको हुन्थ्यो ।

तर, जब प्राधिकरणको नेतृत्वमा कुलमान घिसिङ आए, त्यसपछि पहिलो वर्ष काठमाडौंबाट लोडसेडिङ हट्यो । त्यसपछिका वर्षहरुमा भने क्रमशः देशभरबाट लोडसेडिङको कालो इतिहास मेटिने क्रममा छ ।

प्राधिकरणका अनुसार यो वर्ष पनि मानिसहरुले ढुक्कले आफ्नो घर, आगँन, कार्यालय र टोललाई झिलिमिली बनाउन सक्छ । कुनै प्राविधिक गडबडी हुनु बाहेक लोडसेडिङका कारण अन्धकारमा बस्नु पर्ने छैन ।

प्राधिकरणले खासगरी लक्ष्मीपूजाको दिनका दिन खास व्यवस्था गरेको छ । यस दिन शहरी इलाकामा विद्युतको अधिक खपत हुन्छ । त्यसपछि भने क्रमशः यसको माग घट्दै जाने गर्छ ।

लक्ष्मी पूजामा व्यवस्थापन गर्न सकियो भने वर्षभर ढुक्कसँग विद्यूत आपूर्तिको व्यवस्थापन हुने प्राधिकरणको भनाई रहेको छ ।

तिहारअघि नै सबै जलविद्युत् गृह, सबस्टेसन, प्रसारणलाइन तथा ट्रान्सर्फमरको नियमित मर्मतको काम सक्ने लक्ष्य रहेको छ । प्राधिकरणका अनुसार लक्ष्मीपूजाको दिन सबैभन्दा बढी विद्युतको माग काठमाडौं उपत्यका र देशका ठूला शहरमा हुन्छ ।

Loading...

फेसबुकबाट तपाईको प्रतिक्रिया

सम्बन्धित समाचार