काठमाडौं । ‘डुइङ विजनेस इन्डेक्स’ मा नेपालले उल्लेख्य प्रगति गरेको छ । विश्व बैंकले निकाल्ने यस्तो प्रतिवेदनले विश्वव्यापी मान्यता पाउने गर्छ ।

डुइङ विजनेस २०२० प्रतिवेदन अनुसार नेपाल ९४ औं स्थानमा रहेको छ । अघिल्लो वर्ष नेपाल १ सय १० औं स्थानमा रहेको थियो । डुइङ विजनेसले हेर्ने विभिन्न १० क्षेत्रमध्ये नेपालले ५ क्षेत्रमा सकारात्मक प्रगति गरेको छ । केही क्षेत्र भने नराम्ररी खस्किएका छन् ।

खासगरी कर प्रशासन र विजनेश प्रारम्भ गर्ने प्रकृयामा रहेका झण्झटले नेपालको डुइङ विजनेस इन्डेक्स प्रभावित भएको पाइएको छ ।

९४ औं स्थानमा रहेको नेपालले समग्रमा ६३.२ अंक पाएको छ । अघिल्लो वर्ष ५९.७ अंक रहेको थियो । दक्षिण एसियामा सबैभन्दा अनुकूल वातावरण भारतमा बनेको छ ।

१ सय ४२ औं स्थानमा रहेको भारत ६३ औं स्थानमा उक्लिएको छ । डुइङ विजनेश इनडेक्सको पहिलो नम्बरमा न्यूजिल्याण्ड छ । पुछारमा सोमालिया छ ।

सबैभन्दा राम्रो छलाङ भने साउदी अरेवियाले मारेको छ । डुइङ विजनेस इन्डेक्समा कानूनि, प्रक्रियागत विषय तथा संरचनाले ठूलो भूमिका खेल्ने गर्छ । जब ति सबै क्षेत्रमा सुधार हुन्छ, त्यसबेला व्यापार व्यवसाय गर्ने तथा विदेशी लगानी आकर्षित हुने सम्भावना बढी हुन्छ ।