मनोरञ्जन

चर्चित र्‍यापर भिटेन पक्राउ

काठमाडौं । प्रहरीले अर्का विवादित गायक (र्‍यापर) भिटेनलाई पक्राउ गरेको छ । बिहीबार महानगरीय प्रहरी अपराध महाशाखाको टोलीले जाउलाखेलबाट उनलाई पक्रेको हो ।

अस्लिल शब्द मिसाएर गीत गाउने र त्यसलाई टिकटक तथा यूट्यूवमा राख्ने होडबाजीमा पछिल्लो समय गायक गायीकाले नेपाली संस्कृतिमाथि नै प्रहार गरिरहेका छन् ।

प्रहरीले पछिल्लो समय अराजकता फैलने शब्द राखी गीत संगित निकाल्ने र छिट्टै हिट हुने खोज्नेहरु धमाधम पक्राउ पर्न थालेका छन् । मंगलबार मात्र मात्र गायक दुर्गेस थापा प्रहरीको फन्दामा परेका थिए ।

भिटेनको वास्तविक नाम समीर घिसिङ हो । उनले ‘गरिबी ‘ गीतबाट र्‍याप गाउन थालेका हुन् । एक दर्जनभन्दा बढी गीत गाइसकेका उनले पछिल्लो समय निकालेको ‘यस्तै त हो नि ब्रो’ चर्चामा थियो ।

सोही गीतमा राखिएका शब्दलाई लिएर उनीविरुद्ध उजुरी परेपछि प्रहरीले पक्रेको हो । उनको पक्राउको सरकारका प्रवक्ता तथा सूचना तथा संचार प्रवधि मन्त्री गोकुल बास्कोटाले बचाउ गरेका छन् ।

उनले गायका गीतको शब्द परिवारका साथ बसेर सुन्न नसक्ने रहेको भन्दै अराजकता फैलाउने जो कोहीलाई कारवाहीको दायरामा ल्याउने बताए । प्रहरीले पक्राउ लगत्तै उनको भिडियो यूट्यवुबाट हटाउन लगाएको थियो ।