काठमाडौं । नेपालका दुई ठूला बैंक ग्लोबल आइएमई र जनता बैंक मर्जर भएका छन् । नेपाल राष्ट्र बैंकले मौद्रिक नीतिमार्फत बाध्यकारी वीग मर्जर नीति ल्याउने अपेक्षा गरिएको थियो ।

तर, नीति नआएपनि दुई ठूला बैंक गाभिने निष्कर्षमा पुगेका हुन् । शुक्रबार राजधानीमा आयोजित एक कार्यक्रमकामा मर्जरसम्बन्धी सम्झौता पत्रमा हस्ताक्षर भयो ।

सम्झौतापत्रमा ग्लोबल आइएमई बैकका अध्यक्ष चन्द्रप्रसाद ढकाल र जनता बैक नेपालका अध्यक्ष केशवबहादुर रायमाझीले हस्ताक्षर गरे ।

राष्ट्र बैकले अन्तिम स्वीकृति दिएपछि एकीकृत कारोबार सुरु हुने कार्यक्रममा जानकारी दिइयो । दुई बैकबीच २० असारमै मर्जरसम्बन्धी प्रारम्भिक सहमतिपत्रमा हस्ताक्षर भएको थियो ।

अब मर्जरपछि बन्ने बैकको नाम ग्लोबल आइएमई बैक रहने भएको छ । बैंकको अध्यक्षमा चन्द्रप्रसाद ढकाल रहने छन् । मर्जरपछि बैकको चुक्ता पूँजी १९ अर्ब पुग्ने छ । यो निजी क्षेत्रको सबैभन्दा ठूलो बैंकसमेत बन्ने छ ।