न्युयोर्क 

लुजियानास्थित एक वृद्धालाई आफ्नै वकिललाई मार्न खोजेको अभियोगमा जेल सजाय तोकिएको छ । न्युअर्लिन्स एड्भोकेट्का अनुसार ७८ वर्षीय प्याट्रिसिया क्युरी नामकी ती महिलालाई २२ बर्षको जेल सजाय तोकिएको हो । क्युरीले सन २०१६ मा आफ्नै वकिल केथ कोचुरलाई मार्न खोजेको कारण २२ बर्ष जेलमा बस्नु पर्ने भएको हो । 

न्युअर्लिन्स एड्भोकेटका अनुसार क्युरी आफ्नो वकिललाई लक्षित गरी हातमा पंजा लगाएर खुट्टामा प्लास्टिकको झोलाले बेरेर बन्दुक साथमा लिएर एक्लै उनको वकिल कोचुरको कार्यालयमा गएकी थिईन् । केही समयअघि आफ्नो बैंकरप्सीको          केस हराईदिएको रिसमा वकिलको कार्यालय पुगेकी क्युरीले रुमालले बेरेर ल्याएको बन्दुक वकिल तर्फ लक्षित गरिन तर वकिल कोचुरले त्यो बन्दुक तत्काल पन्छाउन सफल भएको अभियोग पत्रमा लेखिएको थियो ।  

मुद्दा चलेपछि आफ्नो बयानमा ति महिलाले आफुले वकिललाई तर्साउन मात्र त्यसो गरेको बताए पनि जम्मा १५ मिनेटको सुनुवाई पश्चात ती महिलालाई २२ बर्ष जेल सजाय तोकिएको छ ।