क्यालिफोर्निया

क्यालिफोर्नियाको लङ् बिचस्थित एक घरमा मंगलवार मास सुटिङ् हुँदा ३ को मृत्‍यु  र ९ जना घाईते भएका छन् । साथीभाई ईष्टमित्र बोलाएर एक व्यक्तिगत घरमा आयोजित पार्टीमा अकस्मात मास शुटिङको हमला भएको हो ।

टेम्पल एभेन्यु नजिकै ७ स्ट्रिमा रहेको घरमा घटनाको जानकारीपछि १० बजेर ४४ मिनेट जाँदा प्रहरीको टोली पुगेको थियो भने घटना रातको करिव साँढे १० बजे घटेको थियो ।

घटनाको जानकारी सम्वन्धमा, शुरुमा घटनास्थलमा प्यारामेडिक्सले मास सुटिङ्का कारण १२ जना घाईते भएको बताए पनि औसत २० बर्ष उमेर वरिपरिका ३ जनालाई प्यारामेडिक्सले मृतक घोषणा गरेका थिए ।  ९ जना घाईतेलाई थप उपचारको लागि स्थानीय अस्पताल लगिएको थियो । 

सामुहिक गोली प्रहारको यो घटना ब्यक्तिगत घरमा आयोजित हलोईन पार्टीको दौरान भएको थियो ।  

गोली प्रहार गर्ने ब्यक्तीको तिब्र खोजी कार्य भईरहको बताईएको छ।