काठमाडौं । नेपाली कांग्रेसले आसन्न उपनिर्वाचनका लागि आज उमेदवारको टुंगो लगाउन भएको छ । सोही प्रयोजनका लागि बिहीबार पदाधिकारी बैठक डाकिएको छ ।

१४ मंसिरमा उपनिर्वाचन हुँदैछ । देशभर करीव ५० पदमा उपनिर्वाचन हुनेछ । पदाधिकारी बैठकले उपनिर्वाचनका उमेदवारको टुंगो लगाउने कांग्रेसले जनाएको छ । बैठक पार्टी सभापति शेरबहादुर देउवाको निवास बुढानिलकण्ठमा बस्दैछ ।

बैठकमा वरिष्ठ नेता रामचन्द्र पौडेल र नेता कृष्ण प्रसाद सिटौला पनि सहभागी हुँदैछन् । बैठकले प्रदेशसभा निर्वाचन क्षेत्र र स्थानीय तहबाट पार्टीका सम्बन्धित निकायले सिफारिस गरी पठाएका नामावलीमाथि छलफल गरी अन्तिम टुंगो लगाउने भएको छ ।

यसबाहेक समसायिक राजनीति, उपनिर्वाचनमा पार्टीको तयारी, पार्टीका केन्द्रीय विभाग गठनजस्ता विषयले पनि बैठकमा प्रवेश पाउने बताइएको छ ।

कांग्रेसका अधिकाश जिल्ला, प्रदेशसभा निर्वाचन क्षेत्र र स्थानीय तहले पार्टीका उमेदवारको नाम सिफारिस गरिसकेका छन्। ती नाममाथि अन्तिम टुंगो मात्र पदाधिकारी बैठकले लगाउने भएको छ ।