21-Nov-2019 | ५ मंसिर २०७६, बिहीबार

प्रबासबाट पायाे नेपाली साहित्यले पहिलाे ब्यङ्ग्य काब्य : बाग्लुङमा भयाे बिमाेचन

१४ कार्तिक २०७६, बिहीबार ०   बिचार / प्रतिक्रिया


काठमाडौं

नेपाली साहित्य र संगीतको क्षेत्रमा प्रवासी नेपालीहरुकाे याेगदान गर्व गर्न लायक छ । बिशेष गरि भारत, बर्मा र  भुटानमा रहेका नेपालीहरुले लगाउने साहित्यिक गुन समयसँगै युराेप, अमेरिका र अस्ट्रेलिया बस्ने नेपालीहरुले पनि लगाउँदै छन ।

१११ औं लक्ष्मी जयन्ती मनाउँदै बिद्यामन्दिर पुस्तकालय बाग्लुङमा देवकोटा जयन्ती संयोजन समिति र बिद्यामन्दिर पुस्तकालयको संयुक्त आयोजनामा ब्यङ्ग्य कवि अर्जुन राज पन्तबाट रचित “ब्यङग्य काब्य काेइली” को बिमोचन बरिस्ठ आख्यानकार तथा समालाेचक प्रा.डा. भवानी प्रसाद पाण्डे ‘भास्कर’ बाट भएकाे छ । हाल टेक्सास अमेरिकामा रहेका काब्यकारकाे अनुपस्थितमा नै काब्यकारकी आमा तथा काब्य प्रकाशक टिका कुमारी पन्त लगायत गण्डकी धवलागिरी क्षेत्रका बरिस्ठ साहित्यकार तथा साहित्यानुरागिकाे सहभागितामा भएकाे यस कार्यक्रममा डा.षडानन्द पौड्यालद्वारा लिखित “काजी रोशनको काव्य साधना“ भन्ने समालाेचनाकाे समेत बिमाेचन गरियाे । दुबै कृतिको बिमोचन प्राध्यापक डा. भवानी प्रसाद पाण्डेले गरेका हुन ।

सो अवसरमा बोल्दै डा. पाण्डेले उत्कृष्ट साहित्य मात्र समाजमा स्थापित र अमर बन्ने बताए । समाजमा बिभिन्न खाले साहित्य सृजना कसरी भएका छन ? भन्ने बिषयमा चर्चा गर्दै उनले साहित्यले धार पकड्न सके मात्र समाज परिवर्तन गर्नेमा जोड दिए ।

अर्जुनराज पन्तद्वारा लिखित ” कोइली” व्यंग्य काव्यको पूर्व क्याम्पस प्रमुख, उप प्राध्यापक  आनन्दराज शिलवाल (नेपाली साहित्यमा बिद्याबारिधिरत ) समिक्षात्मक टिप्पणी गरेका थिए । बिगतमा काब्यकारकाे शिक्षक समेत रहेका शिलवालले कबि तथा काब्यकारकाे कवित्व माथि प्रकाश पार्दै , प्रबासमा बसेर पनि नेपाली साहित्यमा यसरी एक फरक धारकाे काब्य दिने कबिकाे कबित्वलाइ मुक्त कण्ठले प्रसंसा गर्दै भनें; “नेपाली सहित्यकाे काब्य बिधामा बिगतमा पनि फुटकर ब्यङ्ग्य कविता लखिन्थे र कतिपय काब्यहरुमा पनि कँही कतै ब्यङ्ग्यका बिषयबस्तु नआएका हैनन् तर एउटा काब्य नै ब्यङ्ग्यमा आउनु साहित्य इतिहासमा एक नयाँ उपलब्धी हो” भन्दै बिगतमा कविशिरोमणि लेखनाथ पाैड्यालबाट नब्यकाब्यकाे रुपमा “तरुण तपसी” आएको परिबेशलाइ स्मरण गरे । 

ब्यङ्ग्य कवि हाल अमेरिकाकाे टेक्सासमा बस्छन् । याे काब्य उनले आफ्नो जन्मदिनको अवसर पारेर जन्मस्थल बागलुङमा प्रकाशित गरेका थिए ।

Loading...

फेसबुकबाट तपाईको प्रतिक्रिया

सम्बन्धित समाचार