न्युयोर्क

अमेरिकास्थित डिपार्टमेण्ट अफ होमल्यान्ड सेक्युरिटीले नेपाल लगायत अन्य पाँच  मुलुकको टि पि एस (टेम्पोरेटेड प्रोटेक्टेड  स्ट्याटस ) को म्याद थप गरेको छ । सन् २०१५ मा नेपालमा गएको बिनासकारी भुकम्पका कारण अमेरिकामा बिना कानूनी कागजात बसोबास गर्दै आएका करिब ५ हजार नेपाली यो सुबिधा प्राप्त गरी बसोबास  गर्दै आएका छन् । डिपार्टमेण्ट अफ होमल्यान्ड सेक्युरिटीले आज जारी गरेको फेडरल रजिस्टर नोटिसमा म्याद थप सम्बन्धी सुचना जारी गरेको हो । अमेरिकामा नेपालीहरुले प्राप्त गर्दै आएको टि पि एस सुबिध मार्च २४, २०२० मा म्याद सकिदै थियो भने आज गरिएको म्याद थपले सन् २०२१ को जनबरी ४ सम्म कानूनी मान्यता दिने छ ।  

नेपालसंगै अमेरिकी सरकारले एल साल्भडोर, हाईटी, निकारागुवा, सुडान र होण्डुरसको समेत टि पि एसको म्याद थप गरेको छ । आज जारी सुचनासंगै टि पि एसको म्याद स्वत: थपिने छ ।