माली । मालीमा विद्रोहीको आक्रमणमा परी ५३ जना सैनिक मारिएका छन् । आक्रमणमा परी एक जना सर्वसाधारणको समेत ज्यान गएको छ ।

अन्तर्राष्ट्रिय संचारमाध्यमहरुका अनुसार मालीको एक सैन्य कार्यालयमा विद्रोहीले आक्रमण गरेका हुन् । आक्रमणमा ५३ जना सैनिक र एक सर्वसाधारणको मृत्युको पुष्टी भइसकेको छ ।

यो संख्या अझै बढ्न सक्ने बताइएको छ । मालीको उत्तरपूर्वी क्षेत्रमा रहेको सैन्य कार्यालयमा आक्रमण भएको हो । सरकारी उच्च अधिकारीहरुले यस आक्रमणलाई आतङ्कवादी हमलाको संज्ञा दिएका छन् । इस्लामिक लडाकूबाट यस प्रकारको हमाला भएको बताइएको छ ।

मालीमा पछिल्ला दिनमा भएको आक्रमणमध्ये यो सबैभन्दा हिस्रक रहेको समेत अधिकारीहरुले उल्लेख गरेका छन् ।

नाइजेरियासँग सिमानामा जोडिएको मेनका क्षेत्रस्थित इन्डेलिमानको सैन्य कार्यालयमा आक्रमण भएको हो । मालीमा अलकायदामा आवद्ध जिहादी आतकंबादीहरु सक्रिय रहेका छन् ।

मालीमा फ्रान्सको नेतृत्वमा अन्तर्राष्ट्रिय सैन्य संगठन सक्रिय रहेपनि आतंकाबादी आक्रमण निस्तेज पार्न भने असफल हुँदै आएको छ ।
एजेन्सी