काठमाडौं । सत्तारुढ नेपाल कम्युनिष्ट पार्टी (नेकपा) सचिवालय बैठक सोमबारका लागि बोलाइएको छ । नेकपा स्रोतका अनुसार सोमबार नयाँ प्रदेश प्रमुखहरुको सिफारिस पार्टीका तर्फबाट हुनेछ ।
बैठक बिहान ११ बजे प्रधानमन्त्री निवास बालुवाटारमा बोलाइएको छ । पार्टीले सिफारिस गरेका प्रदेश प्रमुखलाई त्यसपछि बस्ने मन्त्रीपरिषदले नियुक्त गर्ने सम्भावना रहेको बताईको छ ।
सरकारले आइतबार मात्र सात वटै प्रदेशका प्रमुखलाई बर्खाीस्त गर्ने निर्णय गरेको थियो । सोही अनुसार राष्ट्रपति विद्यादेवी भण्डारीले प्रदेश प्रमुखलाई हटाउने निर्णय गरेकी थिइन् ।
नेकपाले आइतबार नै नयाँ नियुक्ती गर्न खोजेको थियो । सोही अनुसार साँझ मन्त्रीपरिषद् बैठक पनि डाकिएको थियो । तर, सहमति जुट्न नसकेपछि धकेलिएको थियो । सोमबार मन्त्रीपरिषदको बैठक भने दिउँसो १२ बजे बोलाइएको छ
