भूटान । भारतीय क्रिकेट टीमका कप्तान विराट कोहली आफ्नी जीवनसंगिनी अनुष्का शर्माका साथमा बिदा मनाउन निस्किएका छन् । मंगलबार उनको ३१ औं जन्मोत्सव ।

यसैक्रममा उनी श्रीमतीका साथ भूटान पुगेका हुन् । भूटान यात्राका केही तस्वीर अनुष्काले सामाजिक संजालमार्फत सार्वजनिक गरेकी छिन् । उनले रमाइलो अनुभव समेत साटेकी छिन् ।

उनले टुइट गर्र्दै विराट र आफ्नो भ्रमणको बयान गरेकी हुन् । उनीहरु भूटानको एक साना गाउँमा पुगेका छन् । जहाँको आतिथ्यले आफूहरु निकै प्रभावित भएको उनले उल्लेख गरेकी छिन् ।

भारतका जारी बंगलादेशसँगको टी२० अंतर्राष्ट्रीय सिरिजमा आराम पाएसँगै बिराट घुमघाममा निस्किएका हुन् । यी दुई जोडीको तस्वीरले मंगलबार भारतीय संचालमाध्यम छाएको छ ।

मंगलबार उनीहरु करीव ८ किलोमिटरको पैदल यात्रा गरेको हनुष्काले उल्लेख गरेकी छिन् । गाउँमा उनीहरु घरपालुवा जनावरसँग खेल्ने र भूल्ने मौका पाएका छन् ।

स्थानीयले निकै आत्मियता देखाएपनि आफूहरुको बारेमा उनीहरुले केही थाहा नपाएको अनुष्काले उल्लेख गरेकी छिन् ।

नेपाल भ्रमण वर्षको पूर्वसन्ध्यामा नेपालले पनि यस्ता सेलिब्रेटीलाई आकर्षित गर्न सक्ने हो भने मुलुकको प्रवद्र्धनमा निकै महत्वपूर्ण भूमिमा खेल्ने थियो ।