21-Nov-2019 | ५ मंसिर २०७६, बिहीबार

सागमा नेपालको सहभागिता शतप्रतिशत खेलमा, भारतले क्रिकेट नखेल्ने

२० कार्तिक २०७६, बुधबार ०   बिचार / प्रतिक्रिया


काठमाडौं । संसारकै उत्कृष्ट टोली मानिने भारतीय क्रिकेट टीमले नेपालमा आयोजना हुने दक्षिण एसियाली खेलकुदमा भने सहभागिता नजनाउने भएको छ ।

सामान्यतया क्षेत्रीय खेलहरुमा दोस्रो, तेस्रो डिभिजनका खेलाडी पठाउने प्रचलन छ । तर, भारतले यस पटक क्रिकेटमा भाग नै नलिने भएको छ । सागमा कूल २७ खेल हुने नेपाल ओलम्पिक कमिटिले जनाएको छ ।

सागमा कूल २७ खेल आयोजना हुँदैछन् । यी सबै खेलमा नेपालले भने भाग लिने छ । शतप्रतिशत खेलमा भाग लिने नेपाल एक मात्र मुलुक बनेको छ । भारतले १७ खेलमा मात्र भाग लिने गरी नेपाललाई सूचि पठाएको छ ।

भारतले क्रिकेट,आर्चरी, गल्फ, कराँते, कबड्डी, प्याराग्लाइडिङ, टेबुलटेनिस, लनटेनिस, तेक्वान्दो र कुस्तीमा भाग नलिने बताएको हो । यी सबै खेलमा भारतको अब्बल दर्जा कायम छ ।

ऊ अब क्रमशः दक्षिण एसियालीस्तरभन्दा माथिको स्तरमा मात्र आफ्ना खेलाडी भिडाउने गर्छ । सागमा बंगलादेश र श्रीलंकाले २५ खेलमा सहभागि हुने निश्चित गरी नेपाललाई सूचि पठाएका छन् ।

पाकिस्तान १८ र भुटान १४ खेलमा सहभागि हुनेछन् । माल्दिभ्स ११ खेलको प्रतिस्पर्धामा उत्रिने छ । सागका खेलहरु पोखरा र काठमाडौंमा संचालन हुनेछन् ।

Loading...

फेसबुकबाट तपाईको प्रतिक्रिया

सम्बन्धित समाचार