21-Nov-2019 | ५ मंसिर २०७६, बिहीबार

मेलम्ची पुग्यो संसदीय टोली, के आयो सन्देश ?

२० कार्तिक २०७६, बुधबार ०   बिचार / प्रतिक्रिया


काठमाडौं । प्रतिनिधिसभा, विकास समितिको एक टोलीले मेलम्ची खानेपानी आयोजनाको स्थलगत अनुगमन गरेको छ ।

काकाकुल काठमाडौंको तिर्खा मेटाउन दुई दशक अगाडीबाट शुरु भएको यो आयोजनाको कार्यप्रगतिप्रति आम जनताले विश्वास नै गर्न छाडिसकेको बेला समितिको टोली स्थलगत अनुगमनमा पुगेको हो ।

हालै मेलम्चीको रोकिएको काम पुनः शुरु भएपछि यो आयोजना सम्पन्न हुने विश्वास जागेको छ । पटक पटक मिति तोकिने र अन्त्यमा पर सर्ने यस आयोजनाको विशेषता नै हो ।

अहिले चिनियाँ कम्पनी सिनो हाइड्रोले मेलम्चीको काम गरिरहेको छ । अलिे भने उच्च सरकारी अधिकारी र मन्त्रीहरु पनि मेलम्ची आउने समय भने खुलाउन हिस्चिाउन थालेका छन् । सिनो हाइड्रोले भने निकै धुमधामका साथ काम गरिरहेको छ ।

यस आयोजनासँग कम्पनीको प्रतिष्ठामात्र होइन, चीनकै पनि सरोकार जोडिएका कारण अब भने मेलम्चीले गति लिने अपेक्षा समितिको निष्कर्ष रहेको छ ।

समिति सभापति कल्याणी खड्काको नेतृत्वमा टोली अनुगमनमा पुगेको हो । सभापति खड्काले आयोजनाको सिघ्र कार्यान्वयनमा समितिले सहजिकरणको भूमिका खेल्ने आश्वासन दिइन् ।

Loading...

फेसबुकबाट तपाईको प्रतिक्रिया

सम्बन्धित समाचार