डडेल्धुरा । चिकित्सा शिक्षामा व्यापक सुधारको माग गदै अनसन बसेका डा. गोविन्द केसीको स्वास्थ्य अवस्था बिग्रर्दै गएको छ । उनी सोमबारदेखि डडेलधुरा पुगेर एक निजी घरमा अनसन थालेका थिए ।

यो उनको १७ औं अनसन हो । उनी क्लिनिक रहेकै घरमा अनसन बसेका छन् । यहााँट जिल्ला अस्पताल समेत नजिकै छ । चिसो र कमजोर शारीरिक अवस्थाका कारण भने उनको स्वास्थ्य प्रतिकूल बन्दै गएको डा. केसीका शहयोगीले जनाएका छन् ।

उनको ब्लड प्रेसर कम भइरहेको छ । बुधबार बिहान मात्रै दुई पटक उनको स्वास्थ्य जाँच गरिएको थियो। यसैबीच डा. केसीको मागमा डोटीका विभिन्न संघसस्थाले ऐक्यबद्धता जनाउँदै उपस्थित भएका छन् ।

सुदूरपश्चिम प्रदेश सांसद तथा नेपाली कांग्रेस पार्टी सभापति कर्णबहादुर मल्लले पनि उनको अनसनमा ऐक्यबद्धता जनाए । डोटी उद्योग वाणिज्य संघले समेत समर्थन जनाएको छ ।

उनले सर्वसूलभ चिकित्सा शूल्क र स्वास्थ्योपचारको माग राख्दै निरन्तर अनसन बस्दै आएका छन् । सरकारले हरेक पटक उनीसँग सम्झौता गरेपनि कार्यान्वयन गर्दैन ।