काठमाडौं । विदेशी विश्वविद्यालयबाट सम्बन्धन लिएर नेपालमा एक लेवल कार्यक्रम चलाइरहेका १५ कलेजमाथि कारवाही हुने भएको छ ।

खासगरी बैदेशिक कार्यक्रम संचालन गर्न लिएको अनुमति नविकरण नगर्न र धरौटीसमेत नबुझाएका १५ कलेजमाथि नेपाल सरकारले कारवाही गर्न लागेको हो ।

अब उनीहरुको सम्बन्धन खारेज हुने भएको छ । शिक्षा मन्त्रालयले नवीकरण तथा धरौटी नबुझाइ उच्च शिक्षाका वैदेशिक कार्यक्रम सञ्चालन गरिरहेका कलेजको कार्यक्रम रद्द गर्ने प्रक्रिया शुरु भएको बताएको छ ।

विभिन्न देशका विश्वविद्यालयको शैक्षिक कार्यक्रम सञ्चालन गरिरहे पनि नेपाल सरकारमाथिको दायित्व पुरा नगर्ने कलेजहरु कारवाहीमा पर्नेछन् ।

मन्त्रालयका अनुसार खारेजीमा पर्नेमध्ये अधिकांश कलेज क्याम्ब्रिज युनिभर्सिटीका ए लेभल पढाउन सम्बन्धन लिएका छन् ।

मन्त्रालयले पन्ध्र दिनभित्र नवीकरण गरी शिक्षा मन्त्रालयको मापदण्ड भित्र आउन निर्देशन दिएको शिक्षा मन्त्री गिरिराजमणि पोखरेलले जानकारी दिए ।

मन्त्रालयले क्याम्ब्रिज युनिभर्सिटीको एजे विल्ड इन्स्टिच्यूट अफ एडभान्स स्टडिज, ब्रिजवाटर इन्टरनेसनल कलेज, मल्पी इन्टरनेसनल कलेज, क्यापिटल कलेज एन्ड सिसर्च सेन्टर, एभरेस्ट एजुकेसन फाउन्डेसन, काठमाडौं भ्याली स्कुल, ओरिएन्ट कलेज, पेन्टागन एजुकेसन नेटवर्क, एपेक्स लाइफ स्कुल, साउथ वेस्टर्न स्टेट, कसकस इन्टरनेसनल पोखरा र गन्डकी बोर्डिङ हाइ स्कुललाई उक्त निर्देशन दिएको हो