रौतहट । रौतहट बम काण्डका मूख्य आरोपी सांसद मोहमद अफताब आलम माथिको थुनछेक बहस बिहीबारबाट शुरु भएको छ । उनको बयान सम्पन्न भएसँगै बहस प्रारम्भ भएको हो ।
रौतहट जिल्ला अदालतका न्यायाधीश दिपक ढकालको इजलासमा थुनछेक बहस प्रारम्भ भएको हो । यो बहस सकिएपछि अदालतले आलमलाई थुनामै राखेर मुद्दाको पुर्पक्ष अघि बढाउने कि थुनाबाहिर राखेर भन्नेबारे फैसला गर्नेछ ।
बिहीबार रौतहट प्रमुख जिल्ला सरकारी वकिल खडिन्द्र कटुवाल, सहन्यायाधिवक्ता सूर्यराज दाहाल र उपन्यायाधीवक्ता अर्जुन प्रसाद कोइरालाको बहस सकिएको छ।
शुक्रबार बहस जारी रहने भएको छ । बम विस्फोटमा परेर घाइते भएकालाई प्रमाण समेत नष्ट हुने गरी जिउँदै इँट्टाभट्टामा हालेर जलाएको अभियोग उनीमाथि लागेको छ ।
