लण्डन । विश्व जगतलाई नै स्तब्ध पार्नेगरी १३ अक्टोबरमा लण्डनबाट एक खबर सार्वजनिक भयो । जहाँ एक लरी भित्र ३९ जना मानिसको शव भेटिएको थियो ।

बेलायतको एसेक्सस्थित ग्रेसमा भेटिएका ती सबै भियतनामी नागरिक रहेको र उनीहरुको परिचय समेत खुलेको अन्तर्राष्ट्रिय संचारमाध्यमले उल्लेख गरेका छन् ।

एसेक्स प्रहरीले हुलियाका आधारमा ती नागरिक चिनियाँ रहेको बताएको थियो । तर, अनुसन्धानबाट सबै नागरिक भियतनामका रहेको र शवको सनाखतसमेत भइसकेको बताइएको छ ।

लरीमा ३१ पुरुष र ८ महिलाको शव भेटाइएको थियो । घटनाका प्रमुख अनुसन्धान अधिकृत एसेक्सका सिनियर कर्नेल कारोलिन बेस्ली मुर्रेले ति व्यक्ति भियतनामको हाइफोङ, हाई डोङ, घी आन, हा तिन्ह, क्वाङ बिन्ह र ह्यु राज्यबाट आएका बताएको छन् ।

बेल्जियमको जिबर्गबाट बेलायत आएको लरी एसेक्सस्थित वाटरग्ल्याड औद्योगिक क्षेत्रमा प्रवेश गर्ने क्रममा प्रहरीले शव फेला पारेको थियो । लरीका चालक भने उत्तरी आयरल्यान्डका नागरिक मौरिस रोविन्सन रहेको हुन् ।

उनलाई प्रहरीले पक्राउ गरी कानूनी कारवाही थालिसकेको छ । यद्दपी घटना कसरी र कहाँ घट्यो, ति मानिसको निर्मम सामूहिक हत्या कसले गर्यो भन्ने चाही अझै खुलेको छैन ।

मानव तस्करको चंगुलमा फसेर निर्दोष मानिहरुले ज्यान गुमाएको आशंका प्रहरीको रहेको छ ।