काठमाडौं । त्रिभुवन अन्तर्राष्ट्रिय विमानस्थलमा शुक्रबार दुई जहाज एक आपसमा ठोक्किएका छन् । तर, यसबाट ठूलो क्षति भने भएन ।
विमानस्थलको आन्तरिक पार्किङ वेमा श्री एयरलाइन्सको जहाज पार्किङ गरिराखेको यति एयरको जहाजमा ठोक्किन पुगेको थियो ।
श्रीको जहाजले यतिको पुछारमा छोएको र घटनामा जहाजमा सामान्य क्षति हुनुबाहेक अन्य क्षति नभएको विमानस्थलका प्रवक्ता प्रतावबाबु तिवारीले जानकारी दिएका छन् ।
श्री एयरलाइन्सको जहाज विराटनगरबाट आएको थियो । यात्रुसहितको उक्त जहाज पार्किङ गर्न लैजादै गर्दा ठोक्किएको हो । त्रिभुवन विमानस्थलमा अधिक भिडभाडका कारण व्यवस्थापन निकै चूनौतिपूर्ण बन्दै गएको छ ।
