21-Nov-2019 | ५ मंसिर २०७६, बिहीबार

प्रथम श्रेणी क्रिकेटमा कमजोर नेपाल, २०८ रनले पराजित

२२ कार्तिक २०७६, शुक्रबार ०   बिचार / प्रतिक्रिया


काठमाडौं । १४ वर्षपछि प्रथम श्रेणीको क्रिकेटका लागि मैदानमा उत्रिएको नेपालले कमजोर प्रदर्शन गरेको छ । अष्ट्रलियाको ऐतिहासिक मेरिलेबोन क्रिकेट क्लब (एमसिसी० विरुद्धको तीनदिवसीय खेलमा नेपाल २०८ रनले हारेको हो ।

शुक्रबार अन्तिम दिनको खेलमा ३ सय ९३ रनको रक्ष्य पाएको नेपाल १८४ रनमै अलआउट भएपछि एमसीसीले सहज जीत निकालेको हो ।

सामान्यतया क्रिजमा टिकेर खेल्ने र लामो इनिंग खेल्ने बानी नपरेका नेपाली खेलाडीले आफ्नो विकेट नै बचाउन सकेनन् । तेस्रो दिन एमसिसीले १८१–६ मा इनिङ समाप्ती घोषणा गर्दै नेपालाई ३९३ रनको विजय लक्ष्य दिएको थियो ।

तर, सोमपाल कामीले अविजित ५१ रन बनाउनुबाहेक अन्य ब्याट्सम्यान चल्न सकेनन् । नेपालले ४० ओभरमा मात्र १८४ रन बनाउँदै सबै विकेट गुमायो ।

खेल त्रिभुवन विश्वविद्यालय इन्टरनेशलन क्रिकेट मैदानमा भएको थियो । सोमपालबाहेक राजु रिजालको नाममा ३१ रन रह्यो । सन्दीप लामिछानेले २५ रन जोडे ।

नेपालको खेलमा बलरले राम्रो रन बनाए । पहिलो इनिङमा एमसिसीलाई नेपालले ३६४ रनमा अलआउट गरेको थियो । नेपालले पहिलो इनिङमा मात्र १५३ रन जोड्न सकेको थियो ।

Loading...

फेसबुकबाट तपाईको प्रतिक्रिया

सम्बन्धित समाचार