काठमाडौं । बंगलादेशका राष्ट्रपति राष्ट्रपति मोहम्मद अब्दुल हमिदले नेपालको चार दिने भ्रमण गर्ने भएका छन् । राष्ट्रपति विद्यादेवी भण्डारीको निमन्त्रणामा उनी नेपाल आउन लागेका हुन् ।

राष्ट्रपतिले २६ देखि २९ कात्तिकसम्म नेपालको भ्रमण गर्ने परराष्ट्र मन्त्रालयले जानकारी दिएको छ । उनलाई चिनियाँ राष्ट्रपतिलाई जस्तै त्रिभुवन अन्तर्राष्ट्रिय विमानस्थलमा मै औपचारिक गार्ड अफ अनर प्रदान गरिने भएको छ । उनले नेपालमा रहँदा समकक्षी भण्डारीसँग भेटवार्ता गर्नेछन् ।

राष्ट्रपति भण्डारीले बंगलादेशी समकक्षी र प्रतिनिधिमण्डलको सम्मानमा राजकीय भोज आयोजना गर्ने भएकी छिन्।

बंगलादेशका राष्ट्रपतिसँग उपराष्ट्रपति नन्दबहादुर पुन, प्रधानमन्त्री केपी शर्मा ओली, राष्ट्रियसभाका अध्यक्ष गणेशप्रसाद तिमिल्सिना र परराष्ट्रमन्त्री प्रदीपकुमार ज्ञवालीले बेग्लाबेग्लै भेट गर्ने र्कात्रम तय भइसकेको मन्त्रालयले जनाएको छ ।

राष्ट्रपति पोखरा समेत पुग्नेछन् । यसबाहेक काठमाडौं आसपासका महत्वपूर्ण सम्पदामा पुगी अवलोकन गर्ने कार्यक्रम रहेको छ ।