काठमाडौं । काठमाडौंमा काटिएका राँगा भैसीको हाड र छाला बोरामी हाली जलाएर काठमाडौंमा दूर्गन्ध फैलाएका तीन जनालाई नगद जरिवाना तिराएर छाडिएको छ ।

उनीहरु अघिल्लो साता पक्राउ परेका थिए । तीनै जनालाई ललितपुर महानगरपालिकाले १२ हजार जरिमाना तिराएको हो ।

नगदसहित आगामी दिनमा सोही प्रकारका गतिविधि दोहोर्याएमा कडा सजाय हुने शर्तसमेत राखिएको छ ।

राजेश शेर्पा, शाजिद मुस्लिम र फेसल मुस्लिमलाई नगद जरिवाना र शर्त राखेर रिहा गरिएको हो ।

काठमाडौंका केही चोकमा कडा गन्धसहित धुवाले राती सुत्न मुस्किल हुने गरेको गुनासो पछि प्रहरीले खोजी थालेको थियो । त्यसक्रममा उनीहरु पक्राउ परेका थिए ।