बिगत केही समयदेखि सामाजिक संजालमा ब्यापक सेयर हुँदै आएको अमेरिकाको चर्चित किराना होलसेल कष्ट्को नामको “७५ डलर छुट कुपन” झुटो भएको कस्ट्कोले बताएको छ । किराना होलसेल कस्ट्सोले मंगलवार राती आफ्नो फेसबुक पेज मार्फत लेखेको छ “हामी हाम्रो शुभचिन्तक र प्रसंसकलाई धेरै माया गर्छौ तर यो ७५ डलर छुट भनिएको कुपन झुटो हो । सामाजिक संजालमा ब्यापक प्रचार गरिएको त्यो कुपनसँग हाम्रो कुनै संलग्नता छैन ।”
यस्तो झुटो प्रचारको जानकारी गराउने हाम्रा शुभचिन्तकलाई कस्ट्कोले धन्यवाद समेत ज्ञापन गरेको छ ।
गत बर्ष पनि कस्ट्सोको ५० औं बर्ष गाँठको उपलक्ष्यमा किनमेल गर्दा ७५ डलर छुट दिने र त्यसको लागि पोस्ट सेयर गर्नु पर्ने भन्दै फेसबुकमा झुटो प्रचार भएपछीि कस्ट्कोले आफ्नो आधिकरिक फेसबुक पेजबाट सुचना जारी गरेको थियो ।
