गुल्मी । आफ्नै पहलमा निर्माण शुरु भएको गुल्मीको रेसुंगा विमानस्थलको सोमबार परराष्ट्र मन्त्री प्रदीप ज्ञवालीले निरिक्षण गरेका छन् । धुले मैदानबाट परिक्षण उडान भइसकेको यो विमानस्थलको धावनमार्ग पीच गर्ने गरी अगाडी बढेको छ ।

यद्दपी काम भने सुस्त रहेको छ । रेगुंगा नगरपालिका वडा नं १० सिमीचौरमा यो मिानस्थल निर्माण भइरहेको छ । यो विमानस्थल संचालनमा आए गुल्मीसहित अर्घाखाँची, पाल्पा, प्यूठानसम्मका यात्रु लाभान्वित हुने सम्भावना छ ।

उनी पर्यटन मन्त्री भएको बेला यो आयोजना गुल्मीमा पारेका थिए । २५ जेठ २०७५ मा यहाँ तारा एयरको जहाज पुगी परिक्षण उडान गरेको थियो । यहाँ ७ सय मिटर लम्बाई र ९० मिटर चौडाइको धाबन मार्ग बनेको छ ।