काठमाडौं । प्रधानमन्त्री केपी शर्मा ओलीले आइतबार दिएको अभिव्यक्तिलाई भारतीय मिडियाले उच्च प्राथमिकताका साथ प्रकाशन प्रसारण गरेका छन् ।

प्रधानमन्त्रीले कालापानीबाट तत्काल भारतीय सैनिक फिर्ता लैजान भारतलाई आग्रह गरेका थिए । त्यसक्रममा उनले नेपालको एक टुक्रा जमिन पनि भारतले लैजान नसक्ने उल्लेख गरेका थिए ।

यस अभिव्यक्तिलाई भारतीय मिडियाले उच्च प्राथमिकताका साथ प्रकाशन प्रसारण गरेका हुन् । बीबीसी हिन्दीले निकै चासोपूर्वक प्रधानमन्त्रीको अभिव्यक्तिलाई समाचार बनाएको छ ।

यस विषयमा प्रधानमन्त्रीले पहिला पटक सार्वजनिक अभिव्यmि दिएका थिए । भारतले कालापानी, लिम्पियाधुरा र लिपुलेक क्षेत्रलाई राजनीतिक नक्सामा समावेश गरेपछि नेपालमा भारत विरोधी अभिव्यक्ति चर्किएको छ ।

आजतकको अनलाइन संस्करणले ओलीले रवाफिलो अभिव्यक्ति दिएको भन्दै टिप्पणी गरेको छ । बीबीसी हिन्दीले भने सन्तुलित समाचार लेखेको छ । इन्डियन एक्प्रेसले कालापानी नेपालको भएको ओलीको दाविलाई प्रकाशन गरेको छ ।

पञ्‍जाव केशरीले पनि प्रधनमन्त्रीकै भनाईलाई हेडलाइन बनाएर समाचार निकालेको छ । भारतले नेपालको भूभागलाई आफ्नो नक्सामा राखेपछि नेपालको तर्फबाट भने सरकारले कडा शब्दमा त्यसको विरोध गरिसकेको छ ।