21-Sep-2020 | [nepali_today_date]

सम्हालिएको नेपालले हार टार्न सकेन

November 19, 2019 ०   बिचार / प्रतिक्रिया


काठमाडौं । कतार विश्वकप २०२२ र एसियन कप २०२३ को छनोटमा नेपालले बलियो टोली कुवेतविरुद्ध सम्हालिएर खेलेको छ । यद्दपी हार टार्न भने सकेन ।

मंगलबार भुटानको राष्ट्रिय रंगशालामा सम्पन्न खेलमा नेपाल कुवेतसँग १ गोलले पराजित भयो । तर, नेपालले बलियो टोलीविरुद्ध निकै सुधारिएको प्रदर्शन गरेको छ ।

मूख्य चार खेलाडी ठमेल काण्डका कारण कारवाही परी वैकल्पिक खेलाडीको भरमा मैदानमा उत्रिएको नेपाली टोलीले कुनै पनि समय ती खेलाडीको अभाव महसुश हुन दिएन ।

किनकी यही टोलीसँग नेपाल कुवेतको घरेलु मैदानमा ७ गोलले पराजित भएर फर्केको थियो । यो खेल नेपालको होम म्याच हो । तर, दशरथ रंगशालाको काम सम्पन्न नभएपछि भुटानमा गरिएको हो ।

कुवेतका बदर अल मतवाले २८ औं मिनेटमा गोल गरे । त्यसपछि दुबै टोलीबाट गोल हुन सकेन ।

४० औं मिनेटमा रोहित चन्दले सटिक प्रहार गरेका थिए । त्यसलाई कुवेती किपरले बचाए । खेलमा कप्तान किरण चेम्जोंगको प्रदर्शनसमेत हेर्नलायक रह्यो ।

Loading...

फेसबुकबाट तपाईको प्रतिक्रिया

सम्बन्धित समाचार